Kantan Solomon 5:16 - Nan Hapit Apu Dios

¹⁶ Ta hiya nan popohdo' ahan hi pangipali'naana hi pamhodnan ha"on te umipa'amlong ahan di a'atna. Ot ipa'innila' i da'yun binabaih tun ad Jerusalem an athinay a'at nan lala'in popohdo'.

Kantan Solomon 5:16 ပူးပေါင်းရင်းမြစ်များ

2 Samuel 1:23

Ot nomnomnomon ta'u da Saul i Jonathan an hin'ama an ma"aphodda i dita'u. Hidin amataguda ya ta'on on hidin natayanda ya aggeda nunhi"an. Hay inawigingda ya abakonday hamutin agila ya hay bikahda'e ya abakonday layon.

Psalm 119:103

Te paddungnay munlumiih nadan tugunmu an inlumlumiihda mu hay danum di iyukan.

Psalm 148:13

Ot an namin ta'u nimpe ya hanat dayawon ta'uh Apu Dios. Te hiya ya na'abbaktu an ma"id ha nipaddungana. Ya ma"id ha nipaddungan nan ongal an abalinanah tun luta onu hi ad lagud.

Psalm 19:10

Ta na'ballolda mu hay balitu'. Ya onha ipaddung hi makan ot inlumlumiihda mu hay danum di iyukan.

Psalm 45:2

Ma"aphod nayyay alala'im an patulmi ya ta'on on hanan panpannapitmu te nanongna an wagahan da'an Apu Dios.

Psalm 89:6

Te an namin nadan wah ad abunyan ya ma''id ha umat i he''a.

Kantan Solomon 1:16

Ta'on on he"a ya na'guwwapu'a an umipa'amlong'ah tigtiggon. Ya ta'on on tun indadaanmun bumbummaktadanta ya mayamoh an ma''atan holo'

Kantan Solomon 1:2

Hay pamhodmu ya impohpohodna mu hay bayah ta hiya nan hihimlo' di pangipali'naam hi naminhodmun ha"on.

Kantan Solomon 1:5

Da'yun binabain agge numpangahawah tun ad Jerusalem ya ta'on ona' ma'angngitit an umata' hinan ma'angngitit an tuldan di holag Kedar mu apgohana' damdama an umata' hinadan ma''aphod an kultinah nan Templo.

Kantan Solomon 2:1

Ha"on ya nipaddunga' attog hinan habhabung hinan nundotalanah ad Sharon onu nan ha'ha'lung hinan nalbong.

Kantan Solomon 2:16

Ha"on ya pa'appohpohdon da'a ya innila' an atbohdiy naminhodmun ha"on. Ta hiya tee nan nunhiglay amlongmun mangalah tudan ha'ha'lung hitun awada'.

Kantan Solomon 2:3

Atbohdin he"a an he"ay kaguwapuwan hi alinlinala'i. Te nipaddung'a hinan bungbunga"an an nigawwah nan muyung an maphod hi punhiduman nan pu"una ya maphod hi anon nan bungana.

Kantan Solomon 4:3

Ya atbohdin mapmaphod di to'om te ay hinumlay timidmu. Ya mapmaphod di tamelmu te ta'on on nahu'yungan ya umat i ha natommang an pomegranet.

Kantan Solomon 6:3

Nunhiglay naminhod'uh tun lala'in popohdo' ya atbohdiy naminhodnan ha"on. Ta tee nimpen nunhiglay amlongnan mangmangngalah ha'ha'lung hitun awada'.

Kantan Solomon 7:9

Ta hiya nan hanan em pangawalan i ha"on ya umipa'amlong mu hay e panginuman hinan maphod an bayah. Ot onha mi'aliga' hi bayah ya hanat inumona' ta pa'attamtamona'.

Jeremiah 15:16

Hidin himmapitam i ha"on ya ongal di amlong'u an mangun'unud an gapu ta niyappita' i he"a an ongal di abalinanan Dios.

Jeremiah 3:20

Mu onnot on din'uga' damdama ta umat ayuh nan babain inluktapnay ahawana. Ha"on an Dios di mangalin tuwe.

Hosea 3:1

Indani ya alyon Apu Dios i ha''on di, Eka ta em bangngadon nan ahawam hinan lala'ina. Ta ta'on on nunluktap ya mi'ilala'i ya ipatigom di naminhodmun hiya an umat hi naminhod'u i da'yu an tinanud Israel an ta'on on inwalongyun mangun'unud i ha"on ot dayawonyu nadan dios di udum an tatagu ta indawadawatanyu didah nadan pingkolyun resin.

Galasya 2:20

Ta aya' ni'yate i Kristu hidin nipata'anah nan krus ta din a'at'u ni' ya nahukkatan te hi Kristu moy wadah nan nitaguwa'. Ta hituwen nitaguwa' hi ad uwani ya inyukod'un namin hinan Imbabalen Apu Dios te hiya ya ongal di pamhodnan ha"on te inyatenay bahul'u ta wan mi'taguwa'.

Pilipay 3:8

Te ad uwani ya imbilang'u nimpen namin dadiyen inunud'uh ma"id ha hilbida te hay nabalol i ha"on hi ad uwani ya hay e' panginnilaan hinan a'at nan Ap'apu ta'un hi Jesu Kristu. Te hiya an ma''aphod an ma''id ha nipaddunganay pinhod'uh un'unudo'.

James 2:23

Ya hidiyey nipa'annungan din impitudo' Apu Dios an alyonay, Hi Abraham ya pinatinah Apu Dios ta hidiyey gapunah nangibilangan Apu Dios i hiyah nipto' di pangatna. Ya hidiye boy gapunah pangalyan Apu Dios hi gayyumnah Abraham.

James 4:4

Tanganu on alyonyuy kimmulug ayu ya hanadan pohpohdon di adolyuy ato'atonyu? Undan aggeyu innila an hanan kimmulug an hay pangatna ya umat hi pangat di agge kimmulug ya mi'buhul i Apu Dios?