Kantan Solomon 3:8 - Nan Hapit Apu Dios

⁸ Dadiyen tindalu ya nala'ingdan mi'gubat an ihihikotday ispadada. Ta ta'on on nahdom ya nidadaandan mi'gubat hi'on waday dumatong hi binuhulda.

Kantan Solomon 3:8 ပူးပေါင်းရင်းမြစ်များ

Nehemiah 4:16

Ta nihipun mon diyen algo ya ginodwa' nadan tatagu ta muntamuday godwana ya mungguwalyaday godwana an nun'a'almasdah gayang ya hapiyo ya pana ya numpunlubungdah lubung di e mi'gubat. Ta ta'on on nadan ap'apu ya dedahdin mungguwalyah nadan ibbami

Nehemiah 4:17

an muntamuh nadan binattun alad. Ya hanada'en mumpun'ubuh nadan miphod hinadan tamuwanmi ya nanongnan o'odnanday almasda ta muntamuy ohan ta'leda ya pingngol di ohan ta'leday almasda.

Psalm 45:3

Ya nundongol di apatulmu te ongal di abalinam ot agam ta ihikotmu nan ispadam

Psalm 91:5

Ta ma"id ha itakutna an ta'on on hinan mahdom onu hinan mapatal

Kantan Solomon 3:7

Tigonyu'e an umman hi Solomon an inyattangdah nan ubunana an impangulun di nanom (60) an nun'atutulid an tindalun di tinanud Israel.

Kantan Solomon 3:9

Ya hidiyen inumbunan Solomon ya hiyay nangipiphod an hay impiphodna ya nan maphod an kayiw an nalpuh nadan billid an nungngadan hi Lebanon.

Isaiah 27:3

Te ha"on an Dios di mangipapto' hinadan intanom'u ta halinuwa' an sibugan. Ya ginuwalyaa' hi abigabigat ya ahodohodom ta ma"id ha manadag.

Jeremiah 50:9

Te nomnomnomonyun honago' di dakkodakkol an tindalun malpuh nadan nundingngol an bobleh nangappit hi huddo'na ta gubatondah ad Babilon ta abakonda dida. Te dadiyen e mangubat i dida ya nun'alala'ingda an pumana an ma"id ha mihallah nan panaonda.

Judges 3:16

Mu hi Ehud ya waday impiphodnah hinalung an ohay umpi ta han godway dinukkena ot ihikotnah way winawwan an ulpuna ta nahophopan hi lubungna.