Kantan Solomon 2:16 - Nan Hapit Apu Dios

¹⁶ Ha"on ya pa'appohpohdon da'a ya innila' an atbohdiy naminhodmun ha"on. Ta hiya tee nan nunhiglay amlongmun mangalah tudan ha'ha'lung hitun awada'.

Kantan Solomon 2:16 ပူးပေါင်းရင်းမြစ်များ

Psalm 48:14

Te hi Apu Dios ya hiyay dayawon ta'uh inggana. Ya hiyay mun'ap'apun dita'uh inggana.

Psalm 63:1

Apu Dios, he''ay dayawo' ya he''ay ma'ahhapul'uh tun nitaguwa' an umat hi punhapul nan namaganan an luta hi liting.

Kantan Solomon 1:7

Ot he"an lala'in popohdo' ya daan mo bahan ta ibagam di em pumpastolan hinadan kalnero ya hay em pangihiduman i didah nan umlotan di potang. Ta naputu' di e' panama'an i he''a ta adiya' ihlam hi mi'ilala'i hinadan ibbam an mumpastol hinan umaliya' an panigan i he"a.

Kantan Solomon 2:1

Ha"on ya nipaddunga' attog hinan habhabung hinan nundotalanah ad Sharon onu nan ha'ha'lung hinan nalbong.

Kantan Solomon 4:5

Ya atbohdi nan palagpagmu an ayda wahdi ha duwan nundinommang an inlum di ulha an mangmangngan hi awadan di dakol an ha'ha'lung.

Kantan Solomon 6:2

Ay umman wahtu eh'a teeh tun awada'. Te ha"on nan mi'alig hi gardena an nitanoman di dakol an pabanglu. Ta teen ma"amlong an mangmangngalah tudan habhabung.

Kantan Solomon 6:3

Nunhiglay naminhod'uh tun lala'in popohdo' ya atbohdiy naminhodnan ha"on. Ta tee nimpen nunhiglay amlongnan mangmangngalah ha'ha'lung hitun awada'.

Kantan Solomon 7:10

Ot ma"id ha udum hi umaya' hi'on bokon he"a ya abuh. Te innila' an nunhiglay naminhodmun ha"on.

Kantan Solomon 7:11

Ot ma'a ta eta mundaldallanan ta ta'on on malo'tahdih nan awadan di dakol an habhabung.

Kantan Solomon 7:13

Ya ta etandi anu hunghunghungon nadan nabanglun habhabung hidi. Te ta'on on hidih nan nunlini"odan nan eta umohnongan ya dakol di indadaan'un mun'aphod an bungbunga''an an ini'ihhod'un he"a.

Jeremiah 31:33

Ot hidiyen balu an ibaga' i da'yu an tinanud Israel ya iha"ad'uh nomnomyu ta paddungnay nihamad an nitudo' hidi. Ta ha"on an Dios di dayawonyu ya da'yuy tatagu'.

Sekariah 13:9

Mu ta'on on dadiyen mabati ya patnao' dida ta umatdah nan silber onu balitu' an milutu ta mamahmahda. Ta lo'tat ya mumpahpahmo'dan ha"on ta tobalo' mohpey dasalda. Ya mabalin mohpen alyo' di, Tatagu' dida. Ya alyonda mohpe boy ha"on nan Dios an un'unudonda.

Galasya 2:20

Ta aya' ni'yate i Kristu hidin nipata'anah nan krus ta din a'at'u ni' ya nahukkatan te hi Kristu moy wadah nan nitaguwa'. Ta hituwen nitaguwa' hi ad uwani ya inyukod'un namin hinan Imbabalen Apu Dios te hiya ya ongal di pamhodnan ha"on te inyatenay bahul'u ta wan mi'taguwa'.