Kantan Solomon 1:9 - Nan Hapit Apu Dios

⁹ Hay pangipaddunga' i he"a ya hanadan ma"aphod an kabayun mungguyud hinan punluganan di patul hi ad Egypt.

Kantan Solomon 1:9 ပူးပေါင်းရင်းမြစ်များ

Hidin Hopapna 50:9

Ya wadada boy ni'ye an nungkabayuday udum ya numpunluganday udum hinadan kalesa ta dakkodakkoldan imme.

1 Patul 10:28

Ya hanada'en kabayun Solomon ya ginattang nadan mungkumilhun baalna hi ad Egypt ya hi ad Silisya.

Kantan Solomon 1:15

He"an popohdo' ya immannung an apgohan'a. Te ta'on tuwalih on nadan matam ya mapmaphodda.

Kantan Solomon 2:10

Indani ya himmapit an alyonay, Ma'a'e an apgohan an popohdo' ta mi'uyug'an ha''on.

Kantan Solomon 2:13

Ya ad uwani bo nan naluman nadan namangulun bungan di fig ya mumpunhabungda nadan greyp ta mapmaphod di hunghungda. Ot agam an apgohan an pohpohdo' ta mi'uyug'a nimpe i ha"on.

Kantan Solomon 2:2

Bokon'a athidi te he''ay apgohan hi abinbinabai te mipaddung'a hinan habhabung an nigawwah nadan pagat.

Kantan Solomon 4:1

Apgohan'a inoh. Te ta'on on nahu'yungan'a ya ma'attigoh matam an ma'ule'a an umat'ah nan palluma. Ya mapmaphod nan ibu'mu an wa'et miyad'addib ya umat i ha nabulog an gulding an manayyudah nan billid hi ad Gilead.

Kantan Solomon 4:7

Te he"a an na'appinhod'u ya immannung an apgohan'a an ma"id ha apihulam.

Kantan Solomon 5:2

Hidin nalo'a' ya ininop'un mungkulkug hinan panto nan lala'in popohdo' an alyonay, Inoh, ibughulana"e, te tehtu tayyan nahnong di ulu' hi dulnu.

Kantan Solomon 6:4

He"an babain popohdo', immannung an apgohan'a an umat'ah nan mapmaphod an bobleh ad Tirsah ya nan bobleh ad Jerusalem. Ya umat'ah nadan tindalun numbabandela an mano"oltan manigo hi'onda mawanat.

Isaiah 31:1

Mahmo' ayun tatagu an e mumpaboddang hi ad Egypt te mundinol ayuh nadan iboddangda an usalonyu an mi'gubat an umat hi kabayu ya kalesa ya nadan titindaluda an nungkakabayu ta bokon nan nahamad an Dios an dayawon ta'un tinanud Israel di pumpaboddanganyu.