Judges 7:4 - Nan Hapit Apu Dios

⁴ Ya alyon bon Apu Dios di, Dakol damdama nadan nabati. I'uyugmu mo didan namin ta eda uminum hinan obob ta ukoda' an mamilih nadan mi'yali i he"a ya nadan umanamut.

Judges 7:4 ပူးပေါင်းရင်းမြစ်များ

Hidin Hopapna 22:1

Indani ot patnaon Apu Dios di pangulug Abraham. Ta alyonan hiyay, Abraham! Ya alyon Abraham di, O tanganu?

Job 23:10

Mu innila' an hi Apu Dios e ya ta'on on idanay awada' ya innilana. Ot innila' an malpah'eh tuwen pamatnanan ha"on ya mabalin an ibaganan nipaddunga' hinan namahmah an balitu'.

Psalm 33:16

Hanadan patul ya bokon hay dinakol nadan nun'atutulid an titindalunay pangabakda ya atbohdih nan ohan tindalu an bokon hanan bikahnay mangihwang i hiya.

Psalm 66:10

Pinatna da'mi i he"a Apu Dios ta umat amih nan silber an nilutu ta namahmah.

Psalm 7:9

He''a Apu Dios ya nipto' di pangipanuhmuh tatagu te innilam tuwaliy wah nomnommi. Ot daan mo bahan ta padinongom nadan tatagu an mangamangat hi adi maphod. Ya hanat palinggopom di nitaguwan nadan mangun'unud i he''a.

Judges 7:5

Ta immedah nan obob ot alyon Apu Dios di, Tigom di atondan uminum ta mihiwweda nadan akuponda nan liting an uminum hinadan iyeday to'odah nan liting an uminum.

1 Samuel 14:6

Ya alyon Jonathan hinan mangmangdon hi almasna di, Umagwattah ad domang ta umetah nan nungkampuwan dadiye'e aay an i Pilistia an mumpungngohen Apu Dios. Ot alina man ya boddangan dita i Apu Dios ta wan ma"id ha humandih nan e ta'u pangabakan an ta'on on oh'ohha ta'u onu dakol ta'u.

1 Samuel 16:7

Mu alyon Apu Dios i hiyay, Adim itigoh nan tinagena ya nan amaphod di tigona te bokon hiyay pinili'. Hay pangitiga' ya hay a'at di nomnomna an adi umat hi tagu an hay a'at di adolnay pangitiganda.