Judges 5:16 - Nan Hapit Apu Dios

¹⁶ Ot alyonda i diday, Nganney gapunah aggeyu ni'yaliyan an tinanud Ruben? Undan nahiw ayun mumpapto' hi kalneroyu? Onu aggeyu innilay madadawoh hi atonyu. Manu'eh aggeda ni'yali nadan tinanud Ruben ya nunhigla nimpey dumuwaduwaanda an e mi'gubat.

Judges 5:16 ပူးပေါင်းရင်းမြစ်များ

Hidin Hopapna 49:14

He''a'e Issakar ya mipaddung'ah nan dongki an ta'on on mabikah

Psalm 4:4

Mu mahapul an halipodpodonyu ta di'et waday bimmungotanyu ya hanat bokon hidiyey gumalat hi pumbahulanyu. Ot hanat datuwey nomnomnomonyu hinan alo'anyuh nan mahdom.

Psalm 68:13

Ta ta'on on hanadan mumpapto' hi kalnero ya nidattandah balitu' ya silber an paddungnay nahophopan di adoldah dinakolda ta umatdah nan palluma an nahophopan di adolda hi dutdutda.

Psalm 77:6

hi immanam'amlonga' an nungkantah nan hilong ot alyo' hi adol'u di,

Bilang 32:24

Ot ta'omman ya ekayu ta eyu pun'iyamma ha punhituwan nadan ahawayu ya nadan imbabaleyu ya ha pangikulunganyuh nadan animalyu mu ta ipa'annungyun namin nadan hinapityu.

Bilang 32:6

Ya alyon Moses hinadan tinanud Gad ya tinanud Ruben di, Undan pohdonyun umohnong hitu ta palinglinggoponyun um'umbun yaden eda mi'gubat tudan ibbayu?

Pilipay 2:21

Te hanada'en udum hitu ya ha ahan di iphodanday nonomnomonda an bokon nan ipatamun Jesu Kristu i dida.

Pilipay 3:19

Te hay un'unudondah ay diosda ya nadan pohpohdon di adolda. Ya ilattuwagda nadan ababain an ato'atonda. Ya hay minonomnom i dida ya hanadan magamgaman an wahtun luta ya abuh. Ta hiya nan hay umudi ya hi impilnuy umayanda.

Judges 5:15

Ya nadan tinanud Issakar ya ni'yeda i da Deborah i Barak. Mu nada'e pibon tinanud Ruben ya nunhiglay eda dumuwaduwaan hi'on eda mi'gubat onu adida.