Judges 5:13 - Nan Hapit Apu Dios

¹³ Ya nadan nabatin tatagun Apu Dios ya na'annalida ot middumdah nadan opisyal di tindalu ot mi'yalidan da'min e mi'gubat.

Judges 5:13 ပူးပေါင်းရင်းမြစ်များ

Psalm 49:14

an umat hi kalnero an ammunah paltiyon nan nangipastol i hiya. Te hay tagu ya mate ta matano' di adolnah nan lubu'an ya ma"id mo ha alyon hi umanamut ni' hinan maphod an nunhituwana. Mu hanan maphod di pangatna ya bokon athidiy ma'at i hiya.

Psalm 75:7

Hi Apu Dios ya ammunay mangibaga hi'on numbahul onu agge numbahul nan ohan tagu.

Ezekiel 17:24

Ta an namin di tataguh tun luta ya innilaondan ha"on an Dios ya abalina' an mamogpog hi abalinan nadan ongal di abalinanan tatagu ya abalina' bon pumbalinon nadan tatagun ma"id ha abalinanda hi waday abalinanda. Ta umatdah nan ongal an kayiw an longho' ya umatda boh nan munlangtan kayiw an kulingo'. Ya hanada'en ma"id ha abalinanda ya umatdah nan nakuling an taguwo' ya umatda boh nan kittang an kayiw an pa'ongngalo'. Ha"on an Dios di mangalin tuwe ya an namin di ibaga' ya ato'.

Roma 8:37

Mu ta'on hi athinay ma'at i dita'u ya waday dinol ta'un Jesu Kristu te ongal di pamhodna i dita'u.

Nipa'innila 3:9

Ya nomnomnomonyu bo an ahi' ipa'ali nadan ma'layyah an tatagun Satanas ta mundu"undah hinangngabyu ta wan innilaonda an da'yuy pinpinhod'u. Manu'eh ato' hidi ya munlattuwagda an gapu ta Judyuda mu hay immannung ya adida mibilang hi Judyu.

Judges 5:12

Bumangon'a Deborah ta ipangulum nan ikanta ta'u an mundayaw i Apu Dios. Ya he"a'e Barak an imbabalen Abinoam ya pun'iyadawwim nadan binaludmuh gubat.

Judges 5:14

Ya nadan udum ya nalpudah ad Epraim an numboblayan ni' nadan tinanud Amalek. Ot mitnudda nadan tinanud Benjamin. Ya nadan tinanud Makir di opisyalda ya ta'on on nadan tinanud Sebulun.

Judges 5:23

Indani ya alyon nan Anghel Apu Dios di, Mahmo' nadan tataguh ad Meros te aggeda ahan bimmoddang an nangubat hinadan ma'abbikah an binuhul Apu Dios.