John 9:38 - Nan Hapit Apu Dios

³⁸ Ot alyon mon diyen lala'i di, Apu Jesus, kumuluga' i he"a. Ot inayunan mundu''un ot dayawonah Jesus.

John 9:38 ပူးပေါင်းရင်းမြစ်များ

Psalm 2:12

Ya hanat mumpada''ul ayu ta hiya nimpey dayawonyu. Te adiyu'e ya alina ya bimmungot an gapuh nadan at'attonyu ya pamaag ya pinogpognay nitaguwanyu. Ot mipa'amlong nadan mundinol i Apu Dios te hiyay mangipapto' i dida.

Psalm 45:11

Gapu ta apgohan'a ya nunhiglay naminhod nan patul i he"a. Ot gapu ta he"ay iyahawana ya mahapul an un'unudom di ibagana.

Matthew 14:33

Ta nadan ibbadah nan bangka ya dinayawdah Jesus an alyonday, Patiyonmin immannung an he''a nan Imbabalen Apu Dios.

Matthew 28:17

Ta hidin tinigodah Jesus ot dayawonda an ta'on on munduwaduwaday udum.

Matthew 28:9

Mu hidin mangeda ya dinamudaot hi Jesus ot alyonan diday, Ya ne on da'yu. Ya na'ibagadan e nundu''un ot idondah hukina ot dayawonda.

Matthew 8:2

Indani ya imme han na'gullidan ot mundu''un hi hinangngabna ot alyonay, Apu Jesus, daan mo bahan ta pohdom'e ya impaphoda' hitun dogoh'u.

Luke 24:52

Ta an namin nadan itudtuduwanan wahdi ya dinayawdah Jesus. Ot mumbangngaddah ad Jerusalem an mun'am'amlongda.

John 20:28

Ya alyon Thomas di, Apu Jesus, patiyo' an he"a nan Dios an dayawo'.

John 9:39

Ya alyon Jesus di, Immaliya' hitun luta ta way aton nadan tatagun manginnilah numbahulanda. Te nan tagun nabahulan ya paddungnay nahilngan di punnomnomna an umat hinan munhihillong di panigona. Ta nadan mangabulut an paddungnay napilokda ya diday mipaphod. Mu nadan tatagun mangalih aggeda napilok ya diday mumbalin hi paddungnay napilok.