John 6:19 - Nan Hapit Apu Dios

¹⁹ Ya hidin umeh limay kilumitluy immadawwiyanda ya nangitiganda han tagun mundaldallanan hinan uhhun di liting an ipluynah nan nunlugananda ta nangintattakutda.

John 6:19 ပူးပေါင်းရင်းမြစ်များ

Job 9:8

Ya hiya ya abuh di nunlumuh ad lagud ya hiya boy waday abalinana an mangipadinong hinadan dalluyun hinan baybay.

Psalm 29:10

Hi Apu Dios di mumpapto' hi an namin an ta'on on handin nalbongan tun luta. Ya hiyay Patul an mun'ap'apuh inggana.

Psalm 93:4

Mu ta'on on athidi ya ongal di abalinam mu dadiyen dalluyun hinan baybay.

Ezekiel 27:26

Mu hay dumatnganyuh gawwana ya paddungnay umali han mabikah an puwo' ya dinadagnah diyen papol an nilugananyu.

Jonah 1:13

Mu nadan muntamuh nan papol ya adida damdama mangmanghop an mangipada'al hinan papol hinan pulantag. Mu adida abalinan te namaman ibibikah nan puwo'.

Luke 24:13

I diyen algo ya wadaday duwah nadan uggan itudtuduwan Jesus an umedah ad Emmaus an umeh himpulut ohay (11) kilumitluy dinawwinah ad Jerusalem.

Luke 9:42

Mu hidin pun'iyena ya tinukkaddot nan nih'op hidiyen unga ta munggagalewgew. Mu nun'ihingal Jesus nan nih'op ot la'ahona ta pinumhod nan unga ot ipa'awit mohpen Jesus i amana.

John 11:18

Ya hidiyen boblen awadanda ya nihaggon hi ad Jerusalem an umeh tuluy kilumitluy nundawwiyanda.

John 14:18

Ya ta'on on taynan da'yuh ad uwani ya adi ayu umat hinan napuhig an ninganuy te ahiya' mumbangngad.

John 6:18

Indani ya ibibbikahna han dibdib ta maludulludun nadan dalluyun.

John 6:20

Mu himmapit ot alyonay, Adi ayu tumakut te ha''on.

Nipa'innila 14:20

Ta kinopaldah nan bata''an di boble ya dalay mamudduh danumna ta limbongnay umeh tuluy gahut ta han baintiy (320) kilumitluy dinukkena ya hinta'dog di dinallomna.

Nipa'innila 21:16

Ya hidiyen boble ya numpapaddung di dinukkena ya binillogna ya ta'on on hay tinagena. Te lingkud nan anghel ya numpapaddung an hindudway libu ta han opat di gahut (2,400) di kilumitluy dinukkena ya binillogna ya tinagena.