Job 9:30 - Nan Hapit Apu Dios

³⁰ Ta ta'on hi ipaddung'u nan bahul'u hi lugit ta sabuna' ya inulaha' ya ma"id damdama ha hilbina

Job 9:30 ပူးပေါင်းရင်းမြစ်များ

Job 31:7

Ot hi'on waday imbahho' hinadan tuguna onu waday inat'uh adi maphod

Job 35:3

Ya alyom bo udot hi nganne ihyay gun'udo' on adiya' mumbahul.

Job 9:31

te paddungnay itulduna' i Apu Dios hinan tupa' ta ta'on on nan lubung'u ya onha mabalin ot ibaina' an umat hi pangibain di ohan hi ibba i ha"on.

Psalm 26:6

Ot ulaha' teey ta'le' ta ipatigo' an ma''id attog ha numbahula'. Ya e da'a dayawon Apu Dios hidih nan pundayawan i he"a.

Psalm 51:9

Ot hanat linglingom bahan nimpe nadan numbahula'.

Proberbs 28:13

Nan tagun hophopanay bahulna ya ma''id ha atonan mipaphod. Mu nan iba''agnay puntutuyuwanah nan inatnan pumbahulan ya hom'on Apu Dios ta linglingonay numbahulana.

Jeremiah 2:22

Ot hay a'at di numbahulanyu ya umat hinan lugit an adi abalinan di dakol an habun an aanon.

Jeremiah 4:14

Mu tanganu on ayu adi muntutuyu an i Jerusalem hinadan numbahulanyu ta way atonyun mihwang? Hi anuud ya ahiyu idinong an mangat hinadan adi ahan maphod?

Roma 10:3

te adida ma'awatan nan aton Apu Dios an mangipaphod hinan niyatandan hiya. Ta hanadan madadawoh i dida an nalpuh nomnomday ato'atonda. Ta hiya nan adida patiyon nan aton Apu Dios an mangipaphod i dida.

1 John 1:8

Mu adi damdama mabalin hi alyon ta'uh ma''id mo ha bahul ta'u. Te nan mangalih ma''id ha bahulna ya hidiyey panginnilaan an aggena innila nan pohdon Apu Dios ot hay adolnay ilaylayahhana.