Job 9:19 - Nan Hapit Apu Dios

¹⁹ Ot onha hay abalinan di punhahapitan ya ma''id ha pa''abak hinan ongal an abalinana. Ya onha hay nipto' an pangipanuh hinadan mihahapit di punhahapitan ya nganne ihya ha mabalin hi mangipa'ayag i hiya.

Job 9:19 ပူးပေါင်းရင်းမြစ်များ

Job 31:35

Mu maphodot on waha mundongol i datuwen ibaga'. Ya onha mabalin ya tobalona' i Apu Dios ta ibagana hi'on nganney numbahula'.

Job 9:4

Te hi Apu Dios ya na'ala"ing ya ongal di abalinana. Ta ma''id ha taguh abalinanan mi'hangga i hiya.

Psalm 62:11

Te imbagan Apu Dios an alyonay hiya ya ammunay ongal di abalinana.

Psalm 62:12

Ya alyon bon Apu Dios di munnananong di pamhodnah tatagu. Ta ma"id ha bahhonan waday idatnah gunggunan di hinohha an mipu'un hinadan ina'inatda.

Matthew 6:13

Ya adim bahan iyabulut di nunhiglan apatnaanmi ta wan adi da'mi baliyan hinan diyablu.

1 Kulintu 1:25

Ta hidiyen alyon di udum hi ma''id ha hilbina ya onnot on hidiyey ongal di itudduna mu hay la'ing di tagu. Ya ta'on boh on alyon di tataguy nan natayan Jesus di mangipatigoh a''id ha abalinan Apu Dios mu onnot on hidiyey atigan di abalinana an adi abalinan di tagu.

1 Kulintu 10:22

Te hi Apu Dios ya pohdona an hiya ya abuh di pundinolan ta'u. Ot adi mabalin hi ipapilit ta'uy pohdon ta'u te undan adi ayu tumakut an mangipabohol i hiya?