Job 8:9 - Nan Hapit Apu Dios

⁹ Te hay tagu ya dakol di adina ma'awatan ya na'omtang ya abuh han pi'taguwanah tun luta an umat hinan a''o an nala''uh'e ya ma"id mo.

Job 8:9 ပူးပေါင်းရင်းမြစ်များ

Hidin Hopapna 47:9

ya alyon Jacob di, Hinggahut ta tulumpulu (130) moh ad uwani. Ya nunhiglay impala"uh'uh ligat. Mu ho'dod hituwen tawon'u an adi umat hinadan a'ammod'u.

1 Chronicles 29:15

Te da'mi ya on ami mi'ibobboble ya abuh an umat hinadan a'ammodmi. Ot nan emi umohnongan hitun luta ya umat hinan a"o an hin'omtang ya mala"uh ya abuh.

2 Chronicles 10:6

Ot umeh Rehoboam hinadan a'amamma an nunhilbi i din patul an hi amana ot ibagana hi'on nganney itugundah pambalna hinan imbagan nadan tatagu.

Job 14:1

Hay tagu ya niyayyam an nakapuy. Ya ho'dod han itaguwana mu dakol di punligatana

Job 14:2

an umat hinan habhabung an manu te tumagu ya himmabung mu adi madne ya nakling. Ya umat boh nan a"o an agaggaon nama''id.

Job 32:7

Te hay punnomnom'u ya da'yuy humapit te nanomnoman ayu tatawwa.

Job 7:6

Ta agagga mo tee ya mapogpog di nitaguwa' an umat hinan nihikitan an pa'an hi ma'abol an mibaninangngadan an mipa'an ta napogpog'e ya ma"id mo.

Job 8:10

Ya dadiyen tugun an inadal ta'u i handidan a'ammod ya itudduwan dita'uh nadan nipto' hi aton.

Psalm 102:11

Ta umata' hinan a''o an ma'umah hi'on munlimmuhan nan algo. Ya umata' nimpe hinan mun'akling an holo'.

Psalm 102:12

Mu he''a Apu Dios ya nanongnan he"ay patul ta mundongol'ah ingga'inggana.

Psalm 144:4

Ya na'omtang ya abuh han pi'taguwanmi an umat amih nan a''o onu dibdib an hin'omtang ya nama"id.

Psalm 39:5

Innila' Apu Dios an ho'dod han inyabulutmun pi'taguwa' hitun luta. Ta hin'omtang ya abuh han pi'taguwanmi an umat i ha dibdib an nala''uh.

Psalm 82:5

Mu ningamut an da'yun a'ap'apu ya ma"id ha innilayu te aggeyu innilay nipto' hi unudonyu ta hiya mo nan gapun da'yu ya ma"id ha maphod hi ma'ma'at hi abobbobleh tun luta.

Psalm 90:4

Ot hanan hinlibuy (1,000) tawon i da'min tatagu ya paddungnay hin'algo i he"a ya ay hanan atnay olas hinan hilong.