Job 7:9 - Nan Hapit Apu Dios

⁹ Te hay tagu ya nate'e ya adi mo mabalin hi mibangngad. Ta umat hinan bugut an na'umah'e ya ma"id mo.

Job 7:9 ပူးပေါင်းရင်းမြစ်များ

2 Samuel 12:23

Mu ad uwanin nate ya adiya' mo mun'ulat. Te undan mabalin bo ta ibangngad'uy nitaguwana? Udum hi algo ya mitnuda' i hiya hi awadana mu adi mabalin an hiyay mumbangngad i ha"on.

2 Samuel 14:14

Ot inayunan alyon di, An namin ta'u ya immannung an mate ta'u. Ya hay ate ya paddungnay liting an wa'et nikuyag hinan luta ya adi mabalin bon akupon. Mu hi Apu Dios ya adi mabalin an namaaggon inhiwwenay ohan tagu i hiya mu atonay abalinana ta mumbangngad hidiyen tagu i hiya.

Job 10:21

Te undan immeya"e moh nan munhihillong an awadan di nunnaud an e umukayungan ya undan wa bo ha alyon hi mibangngada'.

Job 11:8

Hanan la'ing onu abalinan Apu Dios ya adi malukud te intagtagena mu hay tinagen di ad lagud ya indaldallomna mu hay dinallom nan awadan di numpun'ate.

Job 16:22

Te innila' teen adi madne ya mateya' ya ma"id mo ha alyon hi tumaguwa' bo.

Job 17:13

Ot han hadhaddo' ya hay ataya' ya hay e' ilubu'an. Ta umeya' moh nan munnananong an munhihillong.

Job 17:16

Ma"id te nilubu"ey tagu ya ta'on on nadan ninanomnomnan aton on ni'ilubu'dan hiya.

Job 3:13

Te onha nateya' ya waot eh'a an ma'allinggopa' an mun'ib'ibleh ad uwani

Job 30:15

Ta gapu i danae ya nunhiglan takutakut'u. Ya nama"id moy kinadangyan'u ya ababain di na'at hi nitaguwa'.

Job 37:11

Ya abalinana bon ha"adan nadan bugut hi liting ya impa'unudna nan kilat.

Psalm 39:13

Ot daan mo bahan ta bokon ha"on di totoklom ta mi'yam'amlonga' ni' ta ahiya' mate. Te undan nateya"e ya wadaa' bo.

Isaiah 26:14

Dadiyen nun'ap'apu i da'mi ni' ya dinusam dida ta ma"id mo ha uggan mabong'al i dida.

Isaiah 38:11

Ta adi' mo tigon hi Apu Dios onu nadan ibba' an tataguh tun luta.