Job 7:21 - Nan Hapit Apu Dios

²¹ Onha waday numbahula' ot undan adi mabalin hi pakawanona' te agagga mo tee ya mateya' ot ta'on moh on eya' hama'on ya ona' dan bo wada.

Job 7:21 ပူးပေါင်းရင်းမြစ်များ

2 Samuel 24:10

Ya hidin nalpah an binilangda nadan mabalin an e mi'gubat ya nunhiglan minomnoman hi David ot alyona i Apu Dios di, Ongal tayyay numbahula' i he"a Apu Dios ituwen e' inat. Hanat pakawanona' bahan Apu Dios ituwen numbahula' an baalmu. Te innila' an adi ahan maphod hituwen inat'u.

Job 10:14

Ya tigtiggom nadan ato' ta numbahula"e ya adiya' pakawanon

Job 10:9

Ya nomnomom an pito' di iniphodmuh tun adol'u. Ya undan pabangngadona' ot boh nan pito' an nalpuwa'?

Job 13:19

On wadan da'yuy mangibaga hi agge immannung tudan ibaga'? Ta hi'on waday mangibaga hi nibahhowa' ya ta'omman ya dindinonga' ya ta'on boh ona' mate.

Job 14:10

Mu hay tagu ya wa'et nate ya hidiyey napogpogan di bikahna ya nitaguwana.

Job 17:14

Ta ma"idda mo nadan pamilya' an ammuna nadan bigih hi nunli'mut hi adol'u.

Job 20:8

Ya umatboh nan ininop onu nan mipatigo hi'on kinimit an malingling.

Job 27:19

Ta kadangyandah ad uwani mu ahida pangigib'an an ma"id an namin di kinadangyanda.

Job 3:13

Te onha nateya' ya waot eh'a an ma'allinggopa' an mun'ib'ibleh ad uwani

Job 33:9

an alyom hi ma''id ha itakutmu te ma''id ha numbahulam.

Job 7:8

Ta manuh ad uwani te tigtiggona' mu adi madne ya adiya' mo tigon te mateya'.

Job 8:1

Hidin indinong Job an humapit ya alyon nan oha bon ibbanan hi Bildad an tinanud Suah di,

Job 9:28

ya itakut'un alina boh udmana tun punholholtapa'. Te innila' an hay panigona damdaman ha''on ya numbahula'.

Psalm 103:15

Ya innilanan hay pi'taguwan ta'un tatagu ya umat ta'uh nadan holo' onu habhabung an manu te manginhahabungda

Psalm 37:36

Mu indani ya nama"id ta e' punhama' ya ma''id.

Ecclesiastes 12:7

Ta mibangngad nan adolyuh nan lutan nalpuwana ya imbangngad nan linnawayu i Apu Dios an nalpuwana.

Isaiah 26:19

Mu innilami an abalinam an mangihwang i da'mi ya abalinam an ibangon bo tun boblemi an paddungnay mahuwam. Ya ahi ikankantan nadan tataguy amlongda. Te nan em panaguwan i da'mi ya mi'alig hinan dulnuh nan mawi"it.

Isaiah 64:9

Ot daan mo bahan ta adim punhiglaon di bungotmu i da'mi. Ya hanat adim bahan inaynayun an nomnomnomon nadan bahulmi ta hom'on da'min tatagum.

Daniel 12:2

Ya nada'en dakkodakkol an numpun'ate ya mamahuwanda. Ta nadan udum ya mi'tagudan Apu Dios hi inggana mu nadan udum ya mibabainda ya minaynayun di punholholtapandah inggana.

Hosea 14:2

Ta ibagayun hiya an alyonyuy, Pakawanon da'mi bahan hinadan numbahulanmi ta abuluton da'mi ta wan he"a moy dayawonmi.

John 1:29

Hidin nabiggat ya immeh Jesus hi awadan John. Ta hidin tinigon John ya inalinay, Hiyah tuwe nan kalneron mi'nong i Apu Dios te hiyay mangiyateh bahul di tataguh tun luta.

Titus 2:14

Te hiya ya inhulugnay nitaguwana ta nate an gapuh bahul ta'u ta wan abalinan ta'un mangidinong an mangat hinadan adi maphod. Ya numbalinon dita'uh maphod an tatagunan mahlun mangat hinan maphod.

1 John 1:9

Mu ibaga ta'u'ey numbahulan ta'u i Apu Dios an gapuh puntutuyuwan ta'u ya pakawanon dita'u ya ipaphod dita'un hiya te hidiyey inalina ya immannung an atona te hiya ya nipto' di pangatna.

1 John 3:5

Mu hi Kristu an ma''id ha bahulna ya immalih tun luta ot iyatenay bahul ta'un tatagu.