Job 7:16 - Nan Hapit Apu Dios

¹⁶ Te adi' mo pohdon an mi'tagu te immengleya' hi nitaguwa'. Ya udu'dulnay taynana' attog ta ukoda' te ma"id damdama tee ha hilbin di nitaguwa'.

Job 7:16 ပူးပေါင်းရင်းမြစ်များ

Hidin Hopapna 27:46

Ot alyon bon Rebekah i Isaac di, Impa'engleya' mo ahan hinadan ahawan Esau an i wahtu. Ya onha mangahawa'e bo hi Jacob hinan tinanud Hit ot udulna attog di mateya'.

1 Patul 19:4

Ot ipluynah nan agge naboblayan an dinallanah ohay algo. Ya inakhupana han kayiw an ay hagad di tubuna ot munhidum hi pu"una ot idasalnan hanat mate an alyonay, Apu Dios, nunhigla tayya tun ma'ma"at i ha''on. Pogpogom ot attog tun nitaguwa' te ma"id damdama ha ni'dula' i handidan a'ammod'u.

Job 10:1

Alyon bon Job di, Umman tayya immengleya' hitun athitun nitaguwa'. Ot aga'e ta ibaga' ot udot nadan lili' an gapuh hakit di nomnom'u.

Job 10:20

Tuwe mahan mo teen mapogpog tun ho'dod an nitaguwa' ot daan mo bahan ta idinongmun mamalpaligat i ha"on ta luminggopa' i ha ta'on on ha na'omtang ni'mo.

Job 14:6

Ot daan mo bahan ta taynam ni' ta mun'ible i ha na'omtang. Ta umat hinan e ni'ibo'la an mun'ible hi'on nalpah di tamuna.

Job 6:9

Ya udu'dulnay patayona' ot attog i hiya.

Job 7:15

Ta hiya nan udu'dulnaot attog di hoklona' ta mateya' mu hanan eya' munholholtap.

Job 7:7

Alyon Job i Apu Dios di, Hanat adim linglingon an hay nitaguwa' ya umat hi yahyah. Ta ma"id ha amlong'u te nagayyuh di nitaguwa'.

Job 9:21

Te ta'on teeh on alyon hi ma''id ha numbahula' ya nangamung attog di ma'at i ha"on te undan damdama waha hilbi' an tagu.

Psalm 144:4

Ya na'omtang ya abuh han pi'taguwanmi an umat amih nan a''o onu dibdib an hin'omtang ya nama"id.

Psalm 39:10

Mu daan mo bahan ta ipadinongmu datuwen panitilogmun ha"on te lo'tat mahan tayya ya iyate'.

Psalm 39:13

Ot daan mo bahan ta bokon ha"on di totoklom ta mi'yam'amlonga' ni' ta ahiya' mate. Te undan nateya"e ya wadaa' bo.

Psalm 39:6

Ya umat boh nan a''o an agagga on nama''id. Ta ta'on on ilapulaput di tagun e tumamutamu mu nat'on di ahi mangusal hinadan kinadangyana.

Psalm 62:9

An namin ta'un tatagu an nawotwot onu kadangyan ya nada''ul ta'uh panigona. Te onha ikilu dita'u ot ma"id ha damot ta'u an umat ta'uh dibdib.

Psalm 78:33

Ta hiya mo nan pininghan Apu Dios an pinate dida ta atatakut hidiyen inatnan dida.

Psalm 78:39

Te innilanan taguda ya abuh an umatdah nan tuyup an nala''uh'e ya ma"id mo.

Ecclesiastes 2:17

Ta hiya nan himmigaa' hi nitaguwa' te innila' an an namin nan ma'at hitun luta ya on han ligat di indatnan ha"on. Ta hiya nan ibaga' an tun nitaguwan ya ay pudpuduggon di dibdib.

Jeremiah 8:3

Ya nada'en adi mi'yate an i Judah ya miyedah udum hi boble ta hay punli'nadahdi ya udu'dulna attog di mateda. Ha"on an ongal di abalinanan Dios di mangalin tuwe an ahi ma'at i da'yu an adi ahan maphod di pangatda.

Jonah 4:3

Ot ad uwani Apu Dios ya bangngadommot attog di nitaguwa' te udu'dul ona' mate.

Jonah 4:8

Ya hidin pinumtang ya impatuyup Apu Dios han na'appudut an dibdib ta namaag ya ma'ul'ulaw hi Jonah. Ta pohdona mo an mate ot alyonay, Udu'dul attog di mateya' mu hanan eya' mi'tagu i ha athitu.