Job 7:10 - Nan Hapit Apu Dios

¹⁰ Ya ma"id mo ha alyon hi umanamut hi baleda ta ta'on on hanadan nangin'innilan hiya ya lo'tat ya linglingonda.

Job 7:10 ပူးပေါင်းရင်းမြစ်များ

2 Samuel 12:23

Mu ad uwanin nate ya adiya' mo mun'ulat. Te undan mabalin bo ta ibangngad'uy nitaguwana? Udum hi algo ya mitnuda' i hiya hi awadana mu adi mabalin an hiyay mumbangngad i ha"on.

Job 20:7

mu lo'tat ya mama"id an ay lugit an mabulu'. Ta hanadan nangin'innilan hiya ya alyonday, Dana mahan anuy immayana?

Job 20:9

Ta hanadan nangin'innila i hiya ya ta'on on hanadan pamilyana ya ma''id mo ha ugganda tigon i hiya hinan nunhituwana.

Job 27:21

an malpuh nangappit hi tuluwan di algo ya inye"ena dida. Ta ta'on on wadadah nan nunhituwanda ya miyaddibda.

Job 27:23

Ta paddungnay tagu nan puwo' an palpalakpakana ya nginihngihilana dadiyen mun'iya'addib.

Job 8:18

Mu wa'et naba'gut ya lo'tat ya malingling an hiya din nitanom ni' hidi.

Psalm 103:16

mu wa'et nangimpopotang ya maklingda ta lo'tat ya malingling an wadada ni' di holo' hidi.

Psalm 37:10

Ot adi madne ya mama"idda ta ta'on on eyu ana'anapon dida ya ma''id ha akhupanyun dida.