Job 6:4 - Nan Hapit Apu Dios

⁴ Te paddungnay impanan Apu Dios i ha"on datuwen punligata' ta ay kodot an initmog di adol'u. Ta datuwey mamaten ha"on. Ta nunhigla tayyay takut'uh nadan at'attonan ha"on.

Job 6:4 ပူးပေါင်းရင်းမြစ်များ

Job 16:9

Nunhigla nayyay bungot Apu Dios i ha''on ta ay munggagayotgot i ha"on. Ta hay punli'na' ya ay matadom di panigona i ha"on.

Job 19:12

Ya paddungnay intuda'nay titindalu ot mangapyadah awondan mangubat i ha"on ot li"ubonda nan nunhituwa'.

Job 20:16

Ta hanadan adi maphod an ina'inatna ya paddungnay ininumnay gitan di ulog ta hidiyey mamaten hiya.

Job 21:20

Ta diday manigo ya munli'nah nan pundusan nan ongal di abalinanan Dios i dida an gapuh nadan bahulda.

Job 30:15

Ta gapu i danae ya nunhiglan takutakut'u. Ya nama"id moy kinadangyan'u ya ababain di na'at hi nitaguwa'.

Job 31:23

Mu hay immannung ya ma"id ha inat'u hi adi maphod hinadan nun'apuhig te nunhiglay takut'uh nan pundusan Apu Dios.

Job 34:6

Ta ta'on anuh on maphod nadan ina'inatna ya paddungnay ma'layyah. Ya ta'on anuh on ma"id ha bahulna ya indattana i han nunhiglan ligatona an adi ma'agahan.

Job 7:20

Te undan nganne ahan nan numbahula' i he"a Apu Dios ta ha"on di pinto'muh paligatom? Undan ahan ha"on di mangdat hi inomnomam?

Job 9:17

Ya mabalin bon ipa'alinay puwo' ta mamaonay punligata' an ta'on nimpeh on ma"id ha innila' hi numbahula'.

Psalm 143:7

Ot agam bahan Apu Dios ta tobalom di dasal'u te tuwe mahan mo tayyan ma"id ha namnama'. Ot adiya' bahan iwalong te iwalonga"e ya ma"id ha bahhonan mateya'.

Psalm 18:14

Ot ipa'alinay kilat an ay papan di pana ta pamaag bo aya ya ahibubuttikan nadan mi'buhul i hiya.

Psalm 21:12

Te bumtikda hi'on tigonda nan paddungnay idongdongmun dida an panam.

Psalm 38:2

Te paddungna tayyay pinanaa' ot matukkada'

Psalm 38:3

an gapuh bungotmuh nadan bahul'u. Ta teen munhoholtapa' an hanakitana tayyay adol'u.

Psalm 45:5

Ot agam ta oladom nadan panam ta mun'i'itbong hi puhun nadan binuhulyu ta wan abakom di abobboble.

Psalm 7:13

Ta nidadaan nimpe nadan almasna ya ta'on on nadan mundalang an papan nadan panana.

Proberbs 14:10

Nan tagun waday inomnomana ya hiya ya abuh di nanginnilah nan a'atna ya atbohdih nan waday pun'amlongana an hiya ya abuh di munli'na.

Proberbs 18:14

Nan tagun ongal di naminhodnan tumagu ya ongal di iboddangnah nan ena pumhodan hinan dogohna mu nan ma"id ha namnamaonah pumhodana ya mamaman adi pumhod.

Isaiah 28:19

an gapuh nan punligligatanyuh abigabigat. Ta i diye ya nunhiglay takutyu.

Lamentation 2:4

Te paddungnay hi Apu Dios di binuhulda an nundadaan di ta'lena an mamaud hinan panana. Ot ipapatenahdih ad Jerusalem an namin nadan tatagu an pun'amlongana ni'. Ta impatigonay nunnaud an bungotna an umat hi pangat di apuy.

Lamentation 3:3

Ya nunhigla tun punligata' te paddungnay agaggaon hinuplita'.

Mark 15:34

Ta hidin alas tres ya tinumkuk hi Jesus an alyonay, Eloy, Eloy, lama sabachthani. Hay ibalinan nan inalina ya, Apu Dios, tanganuna' ingnganuy i he''a?

2 Kulintu 5:11

Gapu ta innilami an mahapul an mawaday takut ta'u an adi kumulug i Apu Dios ya hiya nan adi ami mangmanghop an e mangipa'innilah nan hapitna hinadan tatagu. Ot innilan Apu Dios hituwen a'atmi ya hanat ta'on on da'yu ya na'innilaanyuy a'atmi.

Deuteronomy 32:42

Ta ma"ido' an namin nadan mi'buhul i ha"on. Ta malamuh nan ispada' hi dalada. Te pumpate' nadan nun'ahugatan ya nun'ibalud ya nadan ap'apun dadiyen binuhul.

Ruth 1:20

Ya alyon Naomi di, Bokon mo hi Naomi di pungngadanyu i ha''on ta namaag ya hi Mara. Manu'e ya paddungnay mumpait han inipto' nan ongal di abalinana an Dios hitun nitaguwa'.