Job 5:16 - Nan Hapit Apu Dios

¹⁶ Ta mabalin mon madinolda te padinongona nadan adi maphod di at'atonda.

Job 5:16 ပူးပေါင်းရင်းမြစ်များ

Job 31:16

Ya binanoddanga' nadan nun'awotwot ya nadan nun'abalu an mumpahmo' i ha''on

Psalm 107:42

Ta tigon'en nadan mangun'unud i Apu Dios datuwe ya mun'am'amlongda. Mu hanada'en adi maphod di pangatda ya pamaagday dindinong.

Psalm 63:11

Mu ha''on an patul ya pangabakona' i he''a Apu Dios ta hiya nan mun'am'amlonga'. Te hanadan mangipa'annung hi imbagadan he"a ya diday nanongnan mangidaydayaw i he"a. Mu hanada'e an e lumayalayah ya lo'tat ya ma"id ha pambalda.

Psalm 9:18

Te nadan mahmo' an nun'awotwot ya adi minaynayun an minganuyda. Te aton Apu Dios nadan dawadawatonda.

Hay Nakakan 11:7

Mu hinan awadanmin tinanud Israel ya malinggop an ta'on on ha mun'aluul hi kahu ya ma"id ha madngol. Ta hiyay panginnilaanyun hi Apu Dios ya nat'on di pangibilangnah nadan tinanud Israel hinadan i Egypt.

Isaiah 14:32

Ot hi'on waday umalin malpuh udum hi boble an mi'hapit i da'yun i Judah an alyonday, Undan da'yu'e ihya ya adi da'yu pi'indadadag? Ya hay pambalyun dida ya alyonyuy, Hi Apu Dios an nangibangon hi ad Zion ya hiyay paddungnay ihi"uganmin tatagunan napalpaligat ta wan mihwang ami.

Jeremiah 39:11

Hi Nebukadnesar ya imbaganan Nebusaradan an opisyal di guwalyana an alyonay,

Daniel 1:9

Ya numbalinon Apu Dios hi ma'ule i Daniel hidiyen ap'apu.

Sekariah 9:12

Ot da'yun nibalud hi udum an boble ya mabalin mon umanamut ayu hi numboblayanyu. Ya hi'on nganney dinakol nadan inalada i da'yu ya pundubliyo' di ibangngad'un da'yu.

Roma 3:19

Ot innila ta'u an nadan uldin ta'un Judyu di mangipa'innilah bahul ta'un tatagu. Ta hiya nan ma''id ha pambal ta'uh nan e ta'u pumbahulan. Ya hidiye boy panginnilaan an an namin di tagu ya numbahul i Apu Dios.