Job 37:16 - Nan Hapit Apu Dios

¹⁶ Ya undan innilam on tanganu on adida magah nadan bugut hi ad lagud? Datuwey mangipatigo an hi Apu Dios ya ongal di abalinana.

Job 37:16 ပူးပေါင်းရင်းမြစ်များ

Job 26:8

Ya abalinana bon ibi'lug nadan liting hinan bugut ta ta'on on madamot ya adi ni' mikuyag.

Job 36:29

Ya ma''id ha nanginnilah nganney aton Apu Dios ta pamaag ya miwmiwwakat nadan bugut hi ad lagud. Ya hi'on nganney atonan mangipagangoh nan kidul hinan awadana.

Job 36:4

Ya an namin tudan ibaga' ya immannung an bokon layah te nala'inga' ya nanomnomana'.

Job 37:14

Ta hiya nan donglom Job ta nomnomnomom nadan nakaskasda'aw an at'aton Apu Dios.

Job 37:15

Te undan innilam hi'on nganney aton Apu Dios an mangipabonyag hinan kilat hi ad lagud.

Job 37:17

Ya aggem innila nadan at'attona te nan ipa'alina an ma"atung an dibdib ya maligatan ta'u.

Job 37:5

Ta athidi nimpey hapit Apu Dios ya dakol nadan udum an at'atonan umipamodwong an naligat an ma'awatan.

Job 5:9

Ot dakol di nakaskasda'aw an at'atona.

Psalm 104:24

Gapuh nan ongal an abalinam Apu Dios ya dakkodakkol di limmum an wahtun luta.

Psalm 147:5

Ta immannung an na'abbaktu ya ongal di abalinanan Dios an dayawon ta'u. Ya ma"id ha lukud di la'ingna.

Psalm 78:4

Ot hanat ipa'innila ta'u pibo datuwe hinadan i'imbabale ta'u ta wan ma'innilaanda nan ongal an abalinan Apu Dios ta wan ta'on on dida ya hiyay dayawonda.

Isaiah 40:22

Hi Apu Dios ya inumbun hinan trono hi baktun tun luta an mun'ap'apu. Ya hiyay namitbit hi ad lagud ta umat i ha tolda an ni'abbung. Ya hay panigona i dita'u an tataguh tun luta ya umat ta'uh ba"atong.