Job 37:12 - Nan Hapit Apu Dios

¹² Ta kumpulnay pohdonan pangipa'ayan hinan kilat ya ma'at.

Job 37:12 ပူးပေါင်းရင်းမြစ်များ

Job 36:32

Ya paddungnay inodnana nan kilat ta kumpulnay pohdonan mabinangan on hidiy nangipa'ayana.

Job 37:3

Te pabinangona'e nan kilat hi ad lagud ya mabinangan an namin tun luta.

Psalm 104:24

Gapuh nan ongal an abalinam Apu Dios ya dakkodakkol di limmum an wahtun luta.

Psalm 147:15

Ya an namin di imbaganan ma'at hitun luta ya adi mibahhon ma'at.

Psalm 148:8

Ya atbohdin da'yun kilat ya dalallu ya puwo' an mangun'unud hinan ibagana

Isaiah 14:21

Ot agayu ta pumpateyu nadan imbabalen naen patul ta miballoh nan numbahulan di a'ammodda. Ta wan mapogpog moy pun'ap'apuwandah tun luta.

Isaiah 27:6

Ot udum hi algo ya nadan tatagu' an tinanud Jacob an hay ohah ngadana ya Israel ya mi'aligdah nan greyp an limmamut ya nangimbubbunga ta lo'tat ya nihinap hi abobbobleh tun lutay bungana.

Jeremiah 14:22

Te undan nadan dios di udum an tatagu di mangipa'alih udan? Ya adi mabalin an namaag ya immudan te ingganah on he"ay mangipa'ali. Ot he"a Apu Dios ya abuh di pundinolanmih bumoddang i da'mi. Te he"a ya abuh di mabalin an mangat ituwe.

Joel 2:23

Ot mun'am'amlong ta'u an tataguh tun ad Zion te ipa'alin Apu Dios di udan hinan punhapulan ta'u. Ta dakol di pananum ta'uh nadan intanom ta'u an umat hidin hopapna tuwali.

Amos 4:7

Ya agge' bo impa'aliy udan hinan punhapulan di intanomyu ot madadagda. Manu te wa'e on impa'ali' di udan hi udum an boble ya ma"id hi udum. Ya wada boh nan udum an puntanoman ya ma"id hi udum ta nateda nadan nitanom ya nakuling nadan holo'.

Nipa'innila 11:6

Ya abalinandan adi mangipa'alih udan ta adi umudan i diyen eda pangitudtuduwan hinan hapit Apu Dios. Ya abalinandan pumbalinon nan liting hi dala. Ya abalinanda bo an mangipa'alih nat'onat'on an punligatan di tataguh tun luta ta kumpulnan timpu an pohdonda on inatda.