Job 32:2 - Nan Hapit Apu Dios

² Mu wahdin mundongdongngol han hi Elihu an imbabalen Barakel an holag Ram an tinanud Bus. Ya nunhiglay boholna te adi abuluton Job an nipto' hi Apu Dios hi nundusaana i hiya.

Job 32:2 ပူးပေါင်းရင်းမြစ်များ

Hidin Hopapna 22:21

Ta hay panguluwan ya hi Us ot ahi nan lala'in hi Bus ot ahi hi Kemuel an hi aman Aram

Job 10:3

Te tanganu onmu pun'amlongan an mamalpaligat i ha"on an limmum? Udu'duldaot bo nadan adi maphod di pangatda te pa'amlongom dida.

Job 15:5

Te hanan hapitom ya ipa'innilana nan adi maphod an a'atmu. Ya handiyam di numbahulam hinan panapitmu.

Job 22:5

Manu'eh na'at hinaen he"a ya gapuh nadan dakol an numbahulam.

Job 27:2

Mahkit di nomnom'u te ta'on on ma''id ha bahul'u ya athituy na'at i ha''on. Mu ibaga' hinan wadawadan Dios

Job 27:5

Ot adi' abuluton an nipto' nan imbagayu i ha''on. Ya ta'on on nganney ma'at ya ibaga' an ma''id ha bahul'u.

Job 27:6

Ya inaynayun'un mangat hi maphod. Ta udum hi algo ya ma''id ha alyo' hi na'at datuwen ha"on te numbahula' peman tuwali.

Job 30:21

Ma"id ahan ha homo'nan ha"on an onaot usalon nan ongal an abalinanan mamalpaligat i ha"on.

Job 32:3

Ya atbohdiy boholna hinadan tulun ibban Job te ma"id ha maphod hi nambaldah nadan imbagabagan Job mu pinahiwda damdamah Job.

Job 33:8

Ya na'adngollo' nadan imbagabagam

Job 35:2

Undan hay punnomnommu Job ya nipto' nan alyom hi ma"id ha bahulmun Apu Dios?

Job 40:8

Te pinhod'un innilaon hi'on immannung an he"ay nipto' ya ha"on di nibahho.

Psalm 69:9

Pohdo' an maphod di iyatan tun balem ta hiya nan nunhiglan mahkit hi punnomnoma' hi'on kumpulnay iyatana. Ta hiya nan an namin nadan pihul di atagutagu i he"a Apu Dios ya madhu i ha"on.

Mark 3:5

Ot itigonah nadan tatagu yaden bimmungot an gapu ta athidin adi maphod di a'atda. Ot alyona i diyen natakluy di ta'lena di, Uyyadom di ta'lem. Ta inuyyadna ya ni'bagan pinumhod.

Luke 10:29

Mu gapu ta pinhodnan hay panigodan hiya ya maphod ta hiya nan alyonay, O mu nganne dadiyen ibba ta'u an alyon nan tugun hi pangipatigan hi pamhod.

Epesus 4:26

Ya wada'ey bimmungotan ta'u ya hanat halipodpodon ta'u ta bokon hidiyey gumalat hi pumbahulan ta'u. Ya hanat adi malimuh nan algo on na'ubayah di bungot ta'u