Job 30:22 - Nan Hapit Apu Dios

²² Ya paddungnay impa'alina ha mabikah an puwo' ta mumbinokkaha' hi pangatna.

Job 30:22 ပူးပေါင်းရင်းမြစ်များ

Job 21:18

Ya ma''id bo ha alyon hi nama"idda an umat hi dugih an inyaddib di dibdib.

Job 27:21

an malpuh nangappit hi tuluwan di algo ya inye"ena dida. Ta ta'on on wadadah nan nunhituwanda ya miyaddibda.

Job 9:17

Ya mabalin bon ipa'alinay puwo' ta mamaonay punligata' an ta'on nimpeh on ma"id ha innila' hi numbahula'.

Psalm 1:4

Mu nadan tatagun adi maphod di pangatda ya ma"id ha maphod hi pumbiduhan nadan ato'atonda. Ta mipaddungdah nan dugih an iyaddib di dibdib.

Psalm 102:10

te gapuh bungotmu ya paddungnay intopala' an aya' ginalut.

Psalm 104:3

Ya hidih nan baktun di bugut an alpuwan di udan di nangiphodam hi punhituwam. Ta nadan bugut di paddungnay kalesan punluganam ya nan dibdib di mangiye i he"ah nan pangayam.

Psalm 18:10

Ot milugan hinan muntayyapan an kerubim an pun'iyen di dibdib.

Isaiah 17:13

Mu ta'onnot on umatdah nadan atatakut an ungak di dakol an liting ya mabalin an ihingal'en Apu Dios dida ya ma"amtikda ta umatdah nan dugih an iye"en di puwo' ta miwakatda hinadan billid.

Ezekiel 5:2

Ya nagibbuh'en ining'ingohmu nan atondan mangubat hi ad Jerusalem ya inalam di oha i dadiyen nuntuluwom ya ginhobmuh gawwan nan nangikul'itam hi a'at di ad Jerusalem. Ya inalam nan oha ya nuntogtogmu ya inwakatmuh nunlini''odana. Ya impatayyapmu nan mi'atlu ta itayap di dibdib ta miwakatda te athidiy ahi' aton an mangiwakat hinadan tatagu' hi abobboble te pun'ipdug nadan binuhulday ispadada i dida ta mamtikda.

Hosea 13:3

Ta hiya nan udum hi algo ya umat ayuh nan bugut ya dulnu hinan mawmawi"it an agagga ya nama"id. Ya umat ayu boh nan dugih onu ahuk an nalaka an miyaddib.

Hosea 4:19

Ta hiya nan madadag ayuh pangat han paddungnay alipuhhapuh ta mibabain ayu te hanadan dios di udum an tatagu di eyu ini'no'i'nongan.