Job 3:23 - Nan Hapit Apu Dios

²³ Ya tanganu nin tuwalih on minaynayun di pi'taguwan nan mahmo' an tagu yaden ma"id damdama ha namnamaonah maphod hi ma'at?

Job 3:23 ပူးပေါင်းရင်းမြစ်များ

Job 12:14

Te onha waha dadagona ot ma"id ha taguh abalinanan ipaphod. Ya atbohdi hi'on waday ibaludna an ma''id ha taguh abalinanan mangilubus.

Job 13:27

Ta paddungnay binangkilingam di huki' ya hahalipatam di pangaya' ya ta'on on hay gattino'.

Job 19:12

Ya paddungnay intuda'nay titindalu ot mangapyadah awondan mangubat i ha"on ot li"ubonda nan nunhituwa'.

Job 19:6

Pinhod'un innilaonyu an hi Apu Dios di nangidat ituwen punligata' an aya' kinnah bitu i hiya ta hiya nan ma"id ha abalina'.

Job 19:8

Ya paddungnay inaladanay awo' ta ma"id ha ato' an bumahhel. Ya paddungna boy inyeya' hinan munhihillong ot taynana' hidi.

Job 3:22

Ta ma''id mo ha udum hi mangipa'amlong i dida hi'on bokon hay atayanda.

Psalm 31:8

Ot maphod ta binoddangana' ta aggeya' inabak hinadan binuhul'u. Ta paddungnay inubadmu nadan nibobod hi huki' ta mabalin mohpen umeya' hinadan pohdo' an umayan.

Psalm 88:8

Ot gapuh tun inatmun ha"on ya pamaag tee ya aya' balud an adiya' pa"abtik. Ya inwalonga' hinadan gagayyum'u.

Psalm 88:9

Ta hiya nan nunhiglay e' umukayungan ta gapu e' limmuwaluwaan ya limmatunnu' di mata'. Ya abigabigat on itatagge' di ta'le' an mumpahpahmo' i he''a Apu Dios.

Isaiah 40:27

Ot alyo' an hi Isaiah di, Dita'un tinanud Israel ya adi ta'u alyon di agge innilan Apu Dios nadan punholholtapan ta'u. Ya adiyu bo alyon hi adi dita'u hanguton.

Lamentation 3:7

Ya ma"id bo udot ha ato' an e bumtik te paddungnay binangkilingana'.

Lamentation 3:9

Ya ayna hinawanan i ha natping hi batu nan awo' ta ma"id ha ato' an bumahhel.

Hosea 2:6

Ta nomnomnomonyu an hawana' nan awonah pagat ya ihamad'un aladan di nunlini"odan ta ma"id ha atonan lumah'un.