Job 3:13 - Nan Hapit Apu Dios

¹³ Te onha nateya' ya waot eh'a an ma'allinggopa' an mun'ib'ibleh ad uwani

Job 3:13 ပူးပေါင်းရင်းမြစ်များ

Job 10:21

Te undan immeya"e moh nan munhihillong an awadan di nunnaud an e umukayungan ya undan wa bo ha alyon hi mibangngada'.

Job 10:22

Ya hidi'e ya ma''id ha matigoh patal te nunhiglan munhihillong ya ma''id ha pohopohodnahdi.

Job 14:20

Ya abalinam an dadagon di nitaguwanmi ta binaliwam di a'atmi ya e da'mi inlubu' ta hidiyey pogpog di nitaguwanmi.

Job 16:22

Te innila' teen adi madne ya mateya' ya ma"id mo ha alyon hi tumaguwa' bo.

Job 17:13

Ot han hadhaddo' ya hay ataya' ya hay e' ilubu'an. Ta umeya' moh nan munnananong an munhihillong.

Job 19:25

Innila' ot matagu nan mangihwang i ha"on ya udum hi algo ya ita'doga' i hiya.

Job 19:27

Ta aptuwa' hi a'atan diye ot immannung an tigo' ya innilaa' i hiya.

Job 21:13

Ya ma"id ha punligatan nadan a'ammodda te wadan namin di mahapulda ya malinggopda ta ingganah atayanda.

Job 21:23

Wadaday tatagun mate an ma"id ha dogohda ya malmallinggopda te wadan namin di mahapulda

Job 21:26

Mu hay oha ya kadangyan onu nawotwot ya numpaddungda an nateda'e ta nilubu'da ya mabigihan di adolda.

Job 24:19

Hanadan dalallu ya pinumtang'e ya mi'bagadan ma'umah. Ya athidi boy ma'at hinadan adi maphod di pangatda an mun'a'ateda ta mama''iddah tun luta.

Job 24:20

Ta ngupuhon di bigih di adolda ta lo'tat ya ma"id ha munnomnom i dida an ta'on on nan hi inada. Ta mipaddungdah nan kayiw an nabuwag.

Job 26:5

Hanadan linnawan handidan numpun'aten a'ammod an wah dallom di baybay ya munggagayonggongdah takutda an gapuh nan ongal an abalinan Apu Dios.

Job 26:6

Ya manapdapuh di panigon Apu Dios i diyen awadan di numpun'ate an ma''id ha nihandi.

Job 3:12

Ya tanganuna' nin tuwali impanapto' i ina an udu'dulnay aggeya' impa'inuman i hiya ta nateya'.

Job 34:22

Ta ma"id ha adina tigon te ta'on on nan aton an pumbahulan hinan munhihillong ya tigona.

Job 7:21

Onha waday numbahula' ot undan adi mabalin hi pakawanona' te agagga mo tee ya mateya' ot ta'on moh on eya' hama'on ya ona' dan bo wada.

Ecclesiastes 9:10

Ya an amin nan tamuwan ta'u ya aton ta'uy abalinan ta'un mangat te nate ta'u'e ya ma"id mo ha alyon hi muntamu ta'u ya munnomnom ta'uh aton ta'u. Ya ma"id mo ha iyatan nan la'ing ya nomnom ta'u.

Ezekiel 32:27

Mu agge nipapto' di adoldah natayanda an adida umat i handidan nun'atulid an titindalu an maphod di nilubu'anda an impunganda nadan ispadada ya niyuhhun hi adolda nadan hapiyoda.