Job 24:7 - Nan Hapit Apu Dios

⁷ Ya mamaktolda attog hinan mahdom te ma"id ha lubungda ya ulohda.

Job 24:7 ပူးပေါင်းရင်းမြစ်များ

Hidin Hopapna 31:40

Ya nunhiglay nangitpo'itpola' hinan potang ya kotol hi'on nahdom ya niddum di timmukatukala'.

Job 22:6

Te wa'et ipa'utangam nadan ibbam on gahin on waha idatdah pangidonam. Ta adida'e attog pa'abbayad on inalam di lubungda ta mumbolbolladda.

Job 24:10

Ya mapilitandan muntamu nadan nun'awotwot an ta'on onda numbollad te ma"id attog ha lubungda. Ya ta'on boh onda e bumunabunag hi binto' mu ma"id ha iyanamutdah anonda ta ma'a'aganganda te hanadan kakadangyan di ud bagi i dadiye.

Job 24:6

Ta mapilitanda mon e mamanuh nadan imbatin di munggapas onu hinan nun'apitan nadan adi maphod di pangatdan tatagu hi greyp.

Job 24:8

Ya ma"id ha baledah umanamutanda ta kumpulnah nan billid on nalo'da ta immudan'e on nahnongda on eda nihi"ug hinadan liyang.

Proberbs 31:21

Ya adi minomnoman hinan kumog onu lowang te indadaana tuwaliy ma"atung an lubung nan pamilyana.

Isaiah 58:7

Ya hay pangdatanyuh anon nadan na'agangan ya hay pangayaganyuh nadan ma"id ha punhituwanda. Ya hay pangdatanyuh lubung nadan ma"id ha lubungda ta adiyu ukuhan an bumoddang hinadan mahmo' an ibbayu.

Apostoles 9:31

Ta an namin nadan kimmulug an ma'amu'amung hinadan boble hi ad Judea ya hi ad Galilee ya hi ad Samaria ya limminggop mohpey punnomnomda te kimmulug mo nan namalpaligat ni' i dida. Ya binoddangan nan Espiritun Apu Dios didan namin ta nun'ihamad di pangulugda ya dimmakolda. Ya an namin di inatda ya inhamaddan inun'unud hi Apu Dios.