Job 24:11 - Nan Hapit Apu Dios

¹¹ Ya ta'on hi kumopakopaldah olibo mu adida tamtaman. Ya atbohdin ta'on on agandah kopal hi greyp ta iphoddah bayah mu adi mabalin hi tamtamanda.

Job 24:11 ပူးပေါင်းရင်းမြစ်များ

Job 24:10

Ya mapilitandan muntamu nadan nun'awotwot an ta'on onda numbollad te ma"id attog ha lubungda. Ya ta'on boh onda e bumunabunag hi binto' mu ma"id ha iyanamutdah anonda ta ma'a'aganganda te hanadan kakadangyan di ud bagi i dadiye.

Job 24:12

Ya mun'atte'atteda attog nadan nun'ahuhugat an nun'awotwot ta ahipapalakdan mumpahpahmo' i Apu Dios. Mu paddungnay adi dongdonglon Apu Dios nan dasalda.

Job 24:18

Mu mipaddungdah nan upag hinan liting an adi madne ya mama"idda. Ya na'idutan nadan lutada ta ma"id ha e muntanom hidi.

Isaiah 16:10

Ta mapogpog moy amlong nadan tatagu hi'onda mun'apit hi greyp. Ta ma"id mo ha madngol hi mungkanta ya ahi'i'ingal hinan ugganda ni' pungkopalan hi greyp te pogpogon mon Apu Dios dadiyen ugganda pun'am'amlongan.

Jeremiah 22:13

Ya alyon bon Apu Dios di, Mahmo' nan tagun agge nipto' di atonan mangiyammah palasyuna an duway gladuna bo udot ta pilitonay tataguh numboblayanan muntamu mu adina idat di bo'laonda.

Deuteronomy 25:4

Ya mahapul an adiyu bunguton di to'on nan baka hi'on mun'ilik.

James 5:4

Te hi Apu Dios ya innilanan danaen ingkadangyanyu ya nadan bino'lan nadan nuntamuwonyuh nadan puntanomanyun aggeyu indat. Ta hiya nan numpahpahmo'dah nan ongal di abalinanan Dios ta dingngol Apu Dios hidiyen pumpahmo'andan hiya.