Job 24:10 - Nan Hapit Apu Dios

¹⁰ Ya mapilitandan muntamu nadan nun'awotwot an ta'on onda numbollad te ma"id attog ha lubungda. Ya ta'on boh onda e bumunabunag hi binto' mu ma"id ha iyanamutdah anonda ta ma'a'aganganda te hanadan kakadangyan di ud bagi i dadiye.

Job 24:10 ပူးပေါင်းရင်းမြစ်များ

Job 24:11

Ya ta'on hi kumopakopaldah olibo mu adida tamtaman. Ya atbohdin ta'on on agandah kopal hi greyp ta iphoddah bayah mu adi mabalin hi tamtamanda.

Job 24:9

Hanada'e an adi maphod di pangatda ya pa'utanganda nadan nun'awotwot ta wa'e attog ta adida pa'abbayad on inalada nadan imbabaleda ta diday mibayad. Ya ta'on on hanadan napuhig an goggolang on inalada ta pumbalinonda didah himbut.

Job 31:39

ya ma"id ha inala' hi intanom di udum an agge' binayadan ta maligatanda.

Deuteronomy 24:12

Ya hi'on ma'ma"idan hidiyen tagu ta ammunay lubungnah ipalendahna ya alanyu

Deuteronomy 24:19

ya hi'on waday ginapasyu hinan puntanoman ot malingling ya adi ayu mumbangngad an e mangala. Punnanongonyuhdi ta alan nadan ni'iboblen da'yu ya nadan nun'apuhig onu nadan nun'abalu. Te atonyu'ehdi ya umannung an wagahan Apu Dios an namin nadan tamuwanyu.

James 5:4

Te hi Apu Dios ya innilanan danaen ingkadangyanyu ya nadan bino'lan nadan nuntamuwonyuh nadan puntanomanyun aggeyu indat. Ta hiya nan numpahpahmo'dah nan ongal di abalinanan Dios ta dingngol Apu Dios hidiyen pumpahmo'andan hiya.