Job 23:11 - Nan Hapit Apu Dios

¹¹ Te inunud'un namin nadan pohdonan ato' an ma"id ha imbahho'.

Job 23:11 ပူးပေါင်းရင်းမြစ်များ

Job 10:7

an ta'on on innilam an ma"id ha bahul'u? Ya innilam bon ma"id ha mabalin hi mangihwang i ha"on hinan ongal an abalinam.

Job 17:9

Mu ta'on on athidi ya hanan tagun mangun'unud i he"a Apu Dios ya iyal'alanan mundinol i he"a.

Job 31:7

Ot hi'on waday imbahho' hinadan tuguna onu waday inat'uh adi maphod

Job 6:10

Onha nin ha innila' an patayona' ot wan nunhiglay amlong'u an ta'on on nunhiglay holholtapo'. Ot innila' an agge' imbahho nadan tugun nan nahamad an Dios.

Psalm 119:51

Ya ta'on on nunhiglay pamihul nadan munlattuwag an tatagu i ha"on ya adi' damdama iwalong an mangunud hinadan tugunmu.

Psalm 125:5

Mu di'et dusaom nadan adi maphod di pangatda ya hanat pi'dusam bo nadan nangiwalong an mangun'unud hinadan tugunmu. Ta wan luminggop tun numboblayanmin tinanud Israel.

Psalm 17:5

Ta paddungnay inunud'u nan intuddum an awon ta agge' inhinghingngi.

Psalm 36:3

Ya impa'inghadan lumayalayah ya hanadan adi maphod di impa'inghadan ibagabaga. Ya hanadan adi maphod an pangat di nadadawoh hi atonda ta ma"id hi nomnomonda an mangat hi maphod.

Psalm 44:18

Immannung an agge da'a attog inwalong ya aggemi imbahho nadan tugunmu.

Psalm 44:19

Mu pamaag tayya ya paddungnay tinugmilan da'mi ot taynan da'mih nan munhihillong an awadan di mun'abubungot an animal.

Proberbs 4:5

Ya maphod on hay gamgamam hi mawadan he''a ya nan em anomnoman ya nan abalinam an manginnilah nan nipto' hi aton. Ya adim linglingon datuwen ituddu' ta un'unudom ta adim iwalong.

Sepaniah 1:6

Ya dusao' bo nadan mangiwalong an mangun'unud i ha"on an Dios te adida mumpaboddang i ha"on ta wan ituddu' i dida nan nipto' an pangat.

Roma 2:7

Ta hay gunggunan nadan tatagun manginaynayun an mangat hi maphod ya pemanan Apu Dios dida ya adida matmatte te munnananong di pi'taguwanda i Apu Dios.

2 Kulintu 1:12

Hay oha bo ya madinol ami te ma''id ha nomnomnomonmih inatmih adi maphod hi ibbamin tagu an namama i da'yu. Ta adiyu alyon hi nat'on di gapunah emi nuntudtuduwan i da'yu te hay wah nomnommi ya hay emi pangun'unudan hinan ipa'at Apu Dios i da'mi. Ya inatmi datuwe an adi gapuh nan abalinanmi mu gapuh boddang Apu Dios.

1 Tesalonika 2:10

Ot iyuhuh Apu Dios an nipto' di nangatmih din awadanmihna te hiyay inunudmi. Ya ta'on on da'yun kimmulug hina ya unnudanyu te tintinnigoyu ot ma''id attog ha inatmih lummuh pamihulanyun da'mi.