Job 23:10 - Nan Hapit Apu Dios

¹⁰ Mu innila' an hi Apu Dios e ya ta'on on idanay awada' ya innilana. Ot innila' an malpah'eh tuwen pamatnanan ha"on ya mabalin an ibaganan nipaddunga' hinan namahmah an balitu'.

Job 23:10 ပူးပေါင်းရင်းမြစ်များ

Hidin Hopapna 18:19

Te hiyay pinto''u ta hiyay manugun hinadan holagna ta ha''on di un'unudonda ta nan nipto' ya maphod di atonda. Ta way ato' bon mangipa'annung i didah nan imbaga' i hiya.

2 Samuel 22:22

Te inun'unud'u nadan tuguna an ma"id ha inat'u hi adi maphod ya agge' inwalong an mangun'unud i hiya an Dios.

2 Patul 20:3

an alyonay, He"a Apu Dios ya innilam hi'on nganney nunhilbiya'. Ot inat'u attog di abalina' an nangun'unud hinadan pohdom. Ta ona inat hidi ya nunnaud an adi mitpol di kogana.

Job 10:7

an ta'on on innilam an ma"id ha bahul'u? Ya innilam bon ma"id ha mabalin hi mangihwang i ha"on hinan ongal an abalinam.

Job 23:7

Ta ibaga' an ma"id attog ha bahul'u. Ot innila' an unnudana an ma"id ha bahul'u.

Job 23:9

Ya atbohdin ta'on on ipluy'uh nangappit hi huddo'na onu hi nangappit hi muyyadna ya adi' damdama akhupan hiyahdi.

Job 31:4

Ya hi Apu Dios ya innilanan namin di at'atto'.

Job 31:6

Ot hi Apu Dios di ukod an mangiyuhuh hi'on numbahula' onu aggeya'.

Job 33:9

an alyom hi ma''id ha itakutmu te ma''id ha numbahulam.

Job 6:29

Ot hanat idinongyun mangibagabaga hi manu'e ya numbahula' ta wan abulutonyun ta'on on athitu ya nanongnay amaphod di pangat'u.

Job 7:18

Ta hahalipodpodon da'mi hi amawimawi"it on pinatna da'mih adanidani.

Psalm 1:6

Te hi Apu Dios ya ipapto'na nadan umunud i hiya. Mu hanada'en adi maphod di pangatda ya madadagda.

Psalm 11:5

Ta tigtiggonay at'atton ta'un namin. Ta hanada'en mangmangngat hi adi maphod ya nunhiglay bungotnan dida.

Psalm 17:3

Ya innilam hi'on nganney wah nomnom'u te ta'on on hinan hilong on panatnaona' i he"a. Ya innila' an ma''id ha inakhupam hi adi maphod hi a'at'u. Te minonomnom i ha''on an mahapul an ma"id ha hapito' hi gumalat hi pumbahula'.

Psalm 66:10

Pinatna da'mi i he"a Apu Dios ta umat amih nan silber an nilutu ta namahmah.

Psalm 7:9

He''a Apu Dios ya nipto' di pangipanuhmuh tatagu te innilam tuwaliy wah nomnommi. Ot daan mo bahan ta padinongom nadan tatagu an mangamangat hi adi maphod. Ya hanat palinggopom di nitaguwan nadan mangun'unud i he''a.

Proberbs 17:3

Hay pangitigan an immannung an silber onu balitu' ya nan pangipadalanandah nan apuy mu hi Apu Dios ya hay panitiganah on maphod onu adi maphod di a'at ta'u ya hinan nomnom ta'u.

Jeremiah 12:3

Mu he"a Apu Dios ya innilam an namin di a'at'u an ta'on on nan wah nomnom'u. Ot daan mo ta ihiwwem datuwen adi maphod di ato'atonda ya pinatem dida ta umatdah nadan kalnero an mun'appit hi mapate.

Sekariah 13:9

Mu ta'on on dadiyen mabati ya patnao' dida ta umatdah nan silber onu balitu' an milutu ta mamahmahda. Ta lo'tat ya mumpahpahmo'dan ha"on ta tobalo' mohpey dasalda. Ya mabalin mohpen alyo' di, Tatagu' dida. Ya alyonda mohpe boy ha"on nan Dios an un'unudonda.

John 21:17

Ya impitlun bon Jesus an alyon di, Simon an imbabalen John, on immannung an pohpohdona' i he"a? Ya mahkit moh punnomnoman Peter te pitlunah diyeh nummahmahan Jesus i hiya. Ot alyona i Jesus di, Apu Jesus, he''a ya innilam an naminamin. Ot innilam an pohpohdon da''a. Ot alyon bon Jesus di, Ot ipapto'mu nadan kimmulug i ha"on an paddungnay kalnero'.

1 Kulintu 3:15

Mu maghob'e tuwali ya ma''id ha midat i hiyah gunggunana. Ya manu te mi'taguh diyen tagu mu umat hinan tagu an ammunay adolnan inihwangnah nan gimmanab an bale an ma"id ha ta'on hi ohah inhawwangna hinadan gina'uh nan bale.

Deuteronomy 8:2

Ot nomnomnomonyun namin nadan inat nan Dios an dayawon ta'u an nangipangulu i dita'uh nan agge naboblayan hi napat (40) di tawon. Ot iyabulutnay dakol an nunligatan ta'u ta pinatna dita'u hi'on nganne tuwaliy aton ta'u ta panginnilaan hi'on nan tugunay unudon ta'u.

2 Timothy 2:19

Mu ta'on on wadaday athinan uggan muntudduh nibahho ya adi damdama mabalin an mahukkatan nan tudtudun Apu Dios te nipaddung hinan ongal an batu an adi mabalin hi madlig. Ya nitudo' hidi an alyonay, Hi Apu Dios ya innilana nadan tataguna. Ya inalina boy, Hanadan mangalih tatagun Apu Dios dida ya mahapul an idinongdan mangat hinadan adi maphod an pangat.

Hebrew 11:17

Hi Abraham ya pinatnan Apu Dios mu gapu damdamah pangulugna ya inatna nan imbagan Apu Dios an i'nongnan hiya nan oh'ohhan imbabalenan hi Isaac an ta'on on waday imbaganan hiya hi atona.

James 1:12

Hanan tagun hi Apu Dios di nanongnah unudona an ta'on on mapalpaligat ya hiyay mipa'amlong. Te umannung an mi'tagu i Apu Dios hi munnananong te hiyah diyey alyon Apu Dios hi lagbun midat hinadan tatagun naminhod i hiya.

1 Peter 1:7

Te datuwen punligatan ta'uy atigana hi'on immannung nan pangulug ta'u. Te ta'on on nan balitu' an mabalin an madadag ya gahin onda ilutu ya ahi mamahmah an balitu'. Ot namama moh nan pangulug ta'u an na'ballol mu hay balitu'. Ot nahamad'ey pangulug ta'u ya nahamad boy e ta'u ipabaktuwan hitun pumbangngadan Jesu Kristu.