Job 22:27 - Nan Hapit Apu Dios

²⁷ Ya mundasal'a'e mohpe ya donglon da'an hiya ya ipa'annungmu bo damdama nadan imbagam hi atom.

Job 22:27 ပူးပေါင်းရင်းမြစ်များ

2 Patul 13:4

Ot mumpahpahmo' hi Jehoahas i Apu Dios ya dingngolna te tinigonan nunhiglay pamalpaligat nan patul hi ad Syria hinadan i Israel.

1 Chronicles 4:10

Mu hi Jabes ya numpahpahmo' hinan Dios an dayawonda an tinanud Israel an alyonay, Hanat wagahana' bahan Apu Dios ta pabillogom tun pumboblaya'. Ya impapto'a' bahan ta ma"id ha adi maphod hi ma'at i ha"on ta wan ma"id ha lummuh e' punligatan. Ya dingngol Apu Dios nan dasalna ot idatna nan imbagana.

2 Chronicles 33:13

Ta nundasal i Apu Dios ya dingngolnay pumpahpahmo'ana ot pumbangngadonah ad Jerusalem ya ta'on on nan sa'adna. Ta hidiyey nanginnilaana an hi Apu Dios ya abuh di immannung hi madayaw.

Job 11:13

Ot hay ibaga' i he"a ya iyohham ot eh'ay pangulugmun Apu Dios ya numpahpahmo''an hiya.

Job 27:10

Te ma"id ha amlongdan mundayaw i hiya an ongal di abalinanan Dios ya adida uggan mundasal i hiya.

Job 33:26

Ya wa'et mundasal ya tobalon mohpen Apu Dios di dasalna. Ta mun'am'amlong mohpe bon mundayaw i hiya.

Job 34:28

Ya nunhiglay namalpaligatdah nadan nun'awotwot ta dingngol Apu Dios nan pumpahmo'andan hiya.

Job 8:6

Te hi'on immannung an nipto' di pangatmu ya nundadaan an mangipabangngad hinan maphod tuwalin a'at di pamilyam.

Psalm 116:1

Pinpinhod'uh Apu Dios te donglonay dasal'u ya nan pumpahpahmo'a' i hiya.

Psalm 116:14

Hay pangata' ituwe ya hinan a'am'amunganmih nadan ibba' an tataguna.

Psalm 56:12

Ot pa'annungo' nan imbaga' hi i'nong'un he''a Apu Dios ta punhanaa' i he"a.

Psalm 61:5

Innila' an dingngolmu Apu Dios nadan imbaga' hi ato'. Ot idatmun ha"on nan midat hinadan mangun'unud i he''a.

Psalm 91:15

Ya wada'ey punligatana ya nundadaana' an mangat hinan dawatona. Ya ihwang'u nimpe ya winagaha' ta pumhod di nitaguwana ta hiyay tangadon di tatagu.

Ecclesiastes 5:4

Ya wada'e ha imbaga ta'un Apu Dios ya mahapul an adi ta'u ibahhon aton. Te adi umipa'amlong i hiyay layah.

Isaiah 58:9

Ya mumpaboddang ayu'e i ha"on ya boddangan da'yu. Ot hanat idinongyu an mamalpaligat hinadan mahmo' an tatagu. Ya adi namaaggon pinabahulyuy ibbayu ya indinongyun manumtumbu' i dida.

Jeremiah 29:12

Ta hitun madatngan hidiyen timpu ya mundasal ayu ot donglo' di dasalyu.

Jonah 2:9

Mu ha''on ya ikankanta' di punhanaa' i he''a ya idawat'u bo nan i'nong'u i he''a. Ya ato' nan imbaga' i he''a hi ato'. Te he"a Apu Dios ya abuh di managuh tagu.

Deuteronomy 23:21

Ya hi'on waday imbagayuh nan Dios an dayawon ta'u hi atonyu ya mahapul an adi mabayag ya impa'annungyu ta adi hiyay gumapu hi pumbahulanyu.