Job 21:5 - Nan Hapit Apu Dios

⁵ Te onha tuwali ot ta'on on ammuna nan panigoyun ha"on ya masda'aw ayu.

Job 21:5 ပူးပေါင်းရင်းမြစ်များ

Job 13:5

Udu'dulnaot eh'ay pamaag ya dimminong ayu te nan nanomnoman an tagu ya adina pamaag hi hapit hi'on waday adina ma'awatan.

Job 17:8

Ta hanada'en mangalih maphod di a'atda ya mano"oldan manigon ha"on. Te alyonday manu'e anuh immata' hitu ya ma"id anu ha dinol'un he"a Apu Dios.

Job 2:12

Ta hidin mun'idatongdah awadan Job ya naligatandan mangimatun hi'on hi Job nan tinigoda. Mu hidin immatunanda ya mungkogada ot punhethetday lubungda ot punhagmu'anday uludah hupu' te nunhigla ahan di umukayungandah nan a'atna.

Job 29:9

Ya adida humapit nadan nun'anomnoman hi'on wahdiya'.

Job 40:4

Ha"on ya bumaina' hitun niyata' an tagu ta hiya nan ma''id ha pambal'uh nadan ibagam.

Psalm 39:9

Innila' Apu Dios an inyabulutmu datuwen punligata' ta hiya nan pamaaggot duminonga'.

Proberbs 30:32

Hi'on mumbaktu'a onu munnomnom'ah adi maphod hi atom ya udu'dulnay duminong'a ni' ta munnomnomnom'a.

Isaiah 52:15

Ta dakolday tataguh abobboble ya ta'on on nadan patul ya masda'awda hi paniganda i hiya. Te nan agge nibaga i dida ya tigonda ya ta'on on nan aggeda dingdingngol ya donglonda ta ma'awatanda.

Amos 5:13

Ot da'yun nanomnoman ya udu'dulnay namaag ya dindinnongan ayu.

Mikah 7:16

Ta way aton di abobboble an mibabain an ta'on on ongal di abalinanda. Ta namaag bo aya ya mano"olda ya upuponday ingadah bainda.

Roma 11:33

Hi Apu Dios ya ongal ahan di homo'na. Ya ma"id ha mabalin hi pangipaddungan i hiya te innilanan namin. Ya adi ta'u abalinan an ma'awatan nadan a'atna ya nadan at'attona.

Judges 18:19

Ya alyondan hiyay, Duminong'a'e ta mi'yali'an da'mi. Ta he"ay padimi hi manugun i da'mi. Ot undan adi udu'dul nan munhilbi'ah himpamu'un an tatagu mu hanan ohan pamilya ya abuh?