Job 21:26 - Nan Hapit Apu Dios

²⁶ Mu hay oha ya kadangyan onu nawotwot ya numpaddungda an nateda'e ta nilubu'da ya mabigihan di adolda.

Job 21:26 ပူးပေါင်းရင်းမြစ်များ

Isaiah 14:11

Te an namin nadan pangipatigon di tatagu hi punlispitudan he"a an umat hi pangipagangohandah harp ya paddungnay ni'ilubu'dan he"a. Ta ta'on on hanan alo'am ya mungngummey bigih ya atbohdin bigih di miyuloh i he"a.

Ecclesiastes 9:2

Te an namin di tagu an ta'on on hanadan maphod di pangatda onu nadan mangmangngat hi adi maphod ya hanadan mibilang hi malinis onu nadan agge nibilang hi malinis ya ta'on on hanadan uggan e mangidawat hi i'nongda onu nadan adi uggan e mangi'nong ya numpapaddungdan aggeda innilay ma'at i dida. Ya atbohdih nadan munsapata ya nadan tumakut an munsapata.

Job 20:11

Ta ta'on on mabikah ni' mu mate ta mumbalin hi pito'.

Psalm 49:14

an umat hi kalnero an ammunah paltiyon nan nangipastol i hiya. Te hay tagu ya mate ta matano' di adolnah nan lubu'an ya ma"id mo ha alyon hi umanamut ni' hinan maphod an nunhituwana. Mu hanan maphod di pangatna ya bokon athidiy ma'at i hiya.

Job 24:20

Ta ngupuhon di bigih di adolda ta lo'tat ya ma"id ha munnomnom i dida an ta'on on nan hi inada. Ta mipaddungdah nan kayiw an nabuwag.

Job 19:26

Ta ta'on on mateya' ta milubu' tun adol'u mu innila' an tigo' damdamah Apu Dios.

Job 17:14

Ta ma"idda mo nadan pamilya' an ammuna nadan bigih hi nunli'mut hi adol'u.

Job 3:13

Te onha nateya' ya waot eh'a an ma'allinggopa' an mun'ib'ibleh ad uwani

Job 21:25

Mu wadada boy udum an nawotwotda ta maligligatanda ta ingganah mateda.

Job 21:27

Innila' di wah nomnomnomonyu ya ta'on on hanadan adi maphod an pohdonyun aton i ha"on.

Ecclesiastes 9:3

Ya hay oha boh adi maphod an ma'ma'at hitun luta ya an namin di tagu ya numpapaddung an matedan namin. Ya matagu'e nan tagu ya amod on nan adi maphod di nonomnomona ta ay nawe'we' ya indani damdama ya nate.