Job 21:17 - Nan Hapit Apu Dios

¹⁷ Mu ta'on peman on athidi ya ma''id ha alyon hi ma'agagda te numbahulda. Ya mihwangda peman hinadan dumadag an umat hi puwo' ya nadan udum. Ya ma"id ha bimmungotan Apu Dios ot dusaona dida an gapuh nadan adi maphod an at'atonda.

Job 21:17 ပူးပေါင်းရင်းမြစ်များ

Luke 12:46

Ya palpaliwana ya numbangngad hidiyen ap'apuna ya inakhupanah diyen at'attona. Ot ma"id ha bahhonan dusaona ta ena iddum hinadan agge kimmulug.

Matthew 25:8

Mu nadan lima ya napuhandah patitulyu ta hiya nan alyondah nadan ibbaday, Idattan da'mi bahan hinan patitulyuyu te teen tuwen madop tun dilagmi.

Proberbs 24:20

te nan adi maphod di pangatnan tagu ya ma"id ha namnamaonah maphod hi ma'at i hiyah udum hi algo ya mi'alig di nitaguwanah nan dilag an madop.

Proberbs 20:20

Nan tagun idutanay ammodna ya adi madney pi'taguwana. Te lo'tat ya ay dilag an ma'ibagan madop.

Proberbs 13:9

Nan maphod di pangatnan tagu ya nipaddung hinan mumbinang an dilag. Mu nan tagun adi maphod di pangatna ya umat hinan tuwen madop an dilag.

Psalm 32:10

Hanadan adi maphod di pangatda ya dakol di punligatanda. Mu hanadan mangidinol i Apu Dios hi nitaguwanda ya munnananong nan pamhod Apu Dios i dida.

Job 18:18

Te hi Apu Dios di mangipa'aan i hiyah tun luta ta ipa'enah nan munhihillong.

Job 21:30

an hanadan adi maphod di pangatda ya mihmihwangdah nadan punligatan an ipa'alin Apu Dios an gapuh bungotna.

Job 31:2

Mu nganne nin di idat Apu Dios hi gun'udo' an mangat hi athitu? Ma''id ha innila' hi maphod hi idat nan ongal di abalinanan Dios i ha"on.

Job 31:3

Mu hay idatnah nadan adi maphod di pangatda ya punligatan ya adadagan.