Job 19:5 - Nan Hapit Apu Dios

⁵ Ya undan gapu ta athitun munligata' ya hituwey pangihikkadanyun numbahula'. Ta hay punnomnomyu ya maphod ayu ya nalawaa'.

Job 19:5 ပူးပေါင်းရင်းမြစ်များ

Nehemiah 1:3

Ya alyonday, Hanada'en ibba ta'un immanamut ya dehdin maligligatanda ya nunhiglay pamihul nadan nunhituh nunlini''odan nan boble ta'u. Ya hana'en boble ta'u ya nunnanong an napa''ih ya atbohdi nadan geyt an nunnanong di a'atda hidin napu'ulanda.

Job 19:4

Hi'on immannung an numbahula' ot ha"on di ud bahul an bokon da'yu.

Psalm 35:26

Mu hanat mibabain hanadan nungngihngihil i ha"on hidin maligligatana'. Ta dida an mangalih udu'dulda mu ha''on ya mumballin ta aggeda innilay at'attonda ya mibabainda.

Psalm 38:16

Te hay indasal'u ya hanat adina bahan iyabulut an dildilahona' hinadan binuhul'u hi'on waday punligata' ya adiya' ngihngihilan hi'on waday ibahhawa'.

Psalm 41:11

Innila' Apu Dios an umipa'amlonga' i he"a te aggem inyabulut an abakona' hinadan binuhul'u.

Psalm 55:12

Onha nin ta hanadan binuhul'uy mama'bain i ha"on ot mabalin an anusa'. Ya onha nin ta diday mamihul i ha"on ya mabalin ninnot an tayna' dida.

Psalm 55:13

Mu bokon te hiya an ni'uyu'uyuga' ya imbilang'uh hi ibba'.

Isaiah 4:1

Hitun a'atan danae ya namaag ya pumpupullohan di pitun binabai di ohan lala'i on alyondan hiyay, Ta'on attog ya da'miy ukod hi anonmi ya ilubungmi mu ta ibilang da'mih ahawam ta adi ami mibabain an gapu ta ma"id ha ahawami.

Mikah 7:8

Ot da'yun binuhulmi ya adi da'mi ngihngihilan hinan punligatanmi te ta'on hi mihubag ami mu bumangon ami damdama. Ya ta'on hi paddungnay wada amih nan munhihillong mu hi Apu Dios di mamatal hinan awonmi.

Sepaniah 2:10

Ot alyo' an hi Sepaniah di, Hituwey dusada hi nunlattuwaganda ya namanadngolanda i dita'un tatagun nan ongal di abalinanan Dios.

Sekariah 12:7

Te ibaliw'un namin hi ad Judah ta adi ammunah ad Jerusalem an boblen David di mabongbong'al ya abuh.

Luke 1:25

Mun'am'amlonga' ta ad uwani ya himmo'a' i Apu Dios ta wan midinong di e pamihupihulan di tatagu i ha''on.

John 9:2

Ya alyon nan itudtuduwanan hiyay, Apu Jesus, tanganu on namaag ya napilok hituwen taguh niyayyamana? On gapuh bahulna onu gapuh bahul nadan a'ammodna?

John 9:34

Ta namamay bungot nadan Paliseu ot alyonday, Tanganu udot on he"an na'abahhulan di muntuddun da'mi? Ot pun'ipalah'unda i diyen a'am'amunganda.

1 Samuel 1:6

Ya gapu attog ta ma"id ha imbabalena ya amod on e danildilaon Peninah ta ona pabohboholon.