Job 19:3 - Nan Hapit Apu Dios

³ Ya ma"id damdama nee ha upuh di ipabahulyun ha"on. Ya ma"id ahan nayya ha bainyun mangibagabagah atathina i ha''on.

Job 19:3 ပူးပေါင်းရင်းမြစ်များ

Hidin Hopapna 31:7

Mu hiya damdaman agagga on tinukunga' te imbanahhona nan nunhapitanmin bo'lao'. Mu maphod ta agge inyabulut Apu Dios an eya' dadagon i hiya.

Hidin Hopapna 42:7

Ya hidin tinigon Joseph nadan i'ibana ya immatunana dida. Mu hay impatigona i dida ya aggena in'innila dida ta nunhiglay panapitna i dida an alyonay, Danay bobleh nalpuwanyu? Ya alyonday, Hi ad Kanaan mu immali amin gumattang hi makan.

Nehemiah 4:12

Mu aggeda innilan wadaday ibbamin Judyu an hinaggonda an uggan mangipa'innila i da'mi hi an namin an donglondan punhahapitandan aton i da'mi.

Job 11:14

Ya nuntutuyu'ah nadan numbahulam ya indinongyun hina'amman mangat hi adi maphod.

Job 11:3

Ya undan agam'eh hapit ya duminong amin humapit i he"a. Mu adi mabalin te mahapul an pahiwon da'ah nadan adi maphod an ibagam i Apu Dios.

Job 19:17

Ya adida mihaggon nadan i'iba' i ha"on ya ta'on on hi ahawa' ya mihamuyan i ha''on.

Job 19:2

Ngalngalam on adiyu idinong an humapihapit ya ten mammamaonyu tun holholtapo'.

Job 19:4

Hi'on immannung an numbahula' ot ha"on di ud bahul an bokon da'yu.

Job 20:3

Ya nunhigla nayya nan pangpangallim. Mu innila' di pambal'u i danaen imbagabagam.

Psalm 69:8

Ya namaag mo ahan tayya ya aya' hintaguwan hi pangat tudan i'iba' i ha''on.

Daniel 1:20

Te an namin nan minahmahan nan patul i dida ya na'innilaana an inla'la'ingda mu nadan mumbuyun ya nadan mumbaki i diyen pun'ap'apuwana.

Lebitikus 26:26

Ya ipa'ali' boy bitil ta ma"id ha anonyu ta lo'tat ya ta'on on pun'u'uddumon di himpulun binabai nan hingkikittang an alinan wadan dida ya ammuna ha ohan pinakawan di iha"angana. Ta ammunadi ya inupi'upingyu ta iya'appongyu mu undan mohpe bumhug ha athidi.

Bilang 14:22

Ot ibaga' tee an danaen tatagu ya ma''id i dida ha mi'datong hinan boblen inali'. Te tinannigoda nan binang'u ya atbohdin tinannigoda nadan milagro an ina'inat'uh ad Egypt ya hinan agge naboblayan mu hiya damdaman inaynayundan mamatnapatnan ha"on ta attaondan adi unudon nadan tugun'u.