Job 19:13 - Nan Hapit Apu Dios

¹³ Ot iyadawwinan ha''on nadan i'iba'. Ya ta'on on nadan nangin'innilan ha''on ya adiya' mo hanguton i dida.

Job 19:13 ပူးပေါင်းရင်းမြစ်များ

Job 16:20

Ot ta'on on inwalonga' hinadan ibba' mu wadah Apu Dios an pumpahpahmo'a' ta boddangana' i hiya.

Job 16:7

Ot mundasal hi Job an alyonay, Apu Dios, immengleya' mo tayyan munligligat ya dinadagmu bo udot an namin nan pamilya'.

Job 42:11

Ot ahida mohpe umali nadan i'ibana ya nadan nanginnilan hiya ot munhahamulda. Ta impatigoday homo'da ot al'alubyagondah Job hinadan nunligatana. Ya hinohha i dida on waday indatdan Job an pihhu ya singsing an balitu'.

Job 6:15

Mu da'yun i'iba ya ma"id ha dinol'un da'yu te umat ayuh nan wa"el an ma"id'e ha udan on namaganan. Manu te wa'e on dimmakol di litingna

Job 6:20

Ta madinoldan waday liting hi akhupanda. Mu onnot on hidin dimmatongda ya ma''id.

Psalm 31:11

Ta nunhiglay pamihul nadan binuhul'u ya hinaggon'un ha"on. Ya numbalina' hi ay panattatakut nadan gagayyum'u te wa'et dinamu' didah nan kalata on mamtikda.

Psalm 31:12

Ya aya' nate an lininglinga' moh nadan tatagu. Ta umata' hinan napa"ih an banga.

Psalm 38:11

Ya gapu ta alulugnin tudan hugat'u ya ma"id mahan mo ha mangidungo i ha''on hinadan hinaggon'u ya gagayyum'u. Ya ta'on on hanadan pamilya' ya adida mihaggon i ha''on.

Psalm 38:12

Ya hanada'en binuhul'u ya mangiphoddah paddungnay bitu ta ma'uhbunga'. Ya numanomnomdah udum hi atondan manadag i ha''on. Ta dakol di ibagabagadah pama''ihdan ha"on.

Psalm 41:9

Ya ta'on bo on nan imbilang'uh nahamad an gayyum'u an wa'e ha ano' ya anonmin duwa ta ongal di dinol'un hiya mu onnot on mi'buhul i ha"on.

Psalm 69:20

Ta gapuh nan pama'bainandan ha''on ya nunhiglan mahkit di nomnom'u. Ya hihimlo' ha hummo' i ha''on mu ma''id. Ya ma''id ni'mo ha umalih mangal'alubyag i ha''on.

Psalm 69:8

Ya namaag mo ahan tayya ya aya' hintaguwan hi pangat tudan i'iba' i ha''on.

Psalm 69:9

Pohdo' an maphod di iyatan tun balem ta hiya nan nunhiglan mahkit hi punnomnoma' hi'on kumpulnay iyatana. Ta hiya nan an namin nadan pihul di atagutagu i he"a Apu Dios ya madhu i ha"on.

Psalm 88:18

Ot gapu nimpe i datuwen inatmun ha"on ya tinaynana' moh nadan gagayyum'u ya i'iba' ta pamaag tayya ya paddungnay munhihillong di nunlini"odan'u.

Psalm 88:8

Ot gapuh tun inatmun ha"on ya pamaag tee ya aya' balud an adiya' pa"abtik. Ya inwalonga' hinadan gagayyum'u.

Lamentation 1:19

Inayaganmi nadan gagayummi ta boddangan da'mi mu onnot on ina"ulan da'mi i dida. Ta ta'on on nadan padi ya nadan mangipangpanguluh nadan tatagu ya nun'a'ateda attog hi eda nangana'anapan hi anonda.

Lamentation 1:2

Ta ilablabiday kogakoga an gapuh hakit di nomnomda ta umayu'ayuh di luwada. Mu ma"id ahan hinadan niddumanda ni' an boble ha e bumoddang i dida. Te an namin nadan gagayyumda ni' ya ina"ulanda dida ot mumbalindah binuhulda.

Matthew 26:56

Mu ta'on ta ma'at datuwen namin i ha''on ta mipa'annung din impitudo' Apu Dios hinadan propetana. Ta ona imbagah diye ot bumtikdan namin nadan itudtuduwana ta tinaynandah Jesus.

2 Timothy 4:16

Hidin hopap di nahumalyaa' ya ma''id ha ohah nadan ibba ta'uh namoddang i ha''on te tinaynana' i dida. Mu ta'on on inatdahdi ya hanat pakawanon Apu Dios dida.