Job 17:10 - Nan Hapit Apu Dios

¹⁰ Ya alyon Job hinadan ibbana di, Da'yu'e ya ta'on on panidwonyu nadan ibagayun ha"on ya ma"id ha ibilang'uh nala'ing i da'yu.

Job 17:10 ပူးပေါင်းရင်းမြစ်များ

Job 12:2

Manu te nala'ing ayu nayya te himmapit ayu'e on donglon da'yuh tatagu. Onha nin ha mate ayu ot wan ma"id ha udum hi umat i da'yu.

Job 15:9

Mu undan nganneda ihya nadan innilam ya na'awatam an aggemi innila ya aggemi na'awatan?

Job 17:11

Mu ha''on'e tee ya adi madne ya mapogpog di nitaguwa'. Ta ma"id ha hilbin nadan ninanomnom'un aton ya ta'on on nadan pohdo' an ma'at.

Job 17:4

Te paddungnay hinandiyam di punnomnom tudan ibba' ta adida ahan ma'awatan di ibaga'. Ot nan ninomnomdan aton i ha"on ya adim iyabulut.

Job 18:3

Undan hay panigom i da'mi ya ay ami animal an ma"id ha in'innilana?

Job 32:9

Ya bokon hanan e na'am'ammaan di atigana an nanomnoman ya nala'ing di ohan tagu.

Job 42:7

Ta on inalin Apu Dios nadan imbagana i Job ot alyona i Elipas an i Tema di, Nunhiglay bohol'un da'yuh nadan ibbam te bokon immannung nadan imbagabagayu an a'at'u ya adi ayu umat ituwen baal'un hi Job an nipto' nadan imbagana an a'at'u.

Job 6:29

Ot hanat idinongyun mangibagabaga hi manu'e ya numbahula' ta wan abulutonyun ta'on on athitu ya nanongnay amaphod di pangat'u.

Malakay 3:18

Ta mabalin an tigonyu mohpe an agge numpaddung di ma'at hinan tagun nan miyunnudan hinan pohdo' di atona ya nan adi maphod di pangatna. Ya atbohdin tigonyuy numpahhiwan nan tagun nunhilbi i ha''on an Dios ya nan agge nunhilbi i ha"on.

1 Kulintu 1:20

Ot nganne moy hilbin nadan nun'alala'ing hitun luta an umat hinadan na'nginnilah nan tugun Moses ya nadan nun'ala'ing an mi'yahhiyan? Undan agge impatigon Apu Dios an numbalinonah ma"id ha hilbin di la'ing di tataguh tun luta?

1 Kulintu 6:5

Athituy pangali' i da'yu ta way atonyun bumain te undan ahan ma''id i da'yun kimmulug ha mabalin hi mangipanuh hinadan ibbayun kimmulug an mundadalloman.