Job 16:19 - Nan Hapit Apu Dios

¹⁹ Mu ta'on on athidi ya madinola' an waday mangita'dog i ha''on hi ad abunyan.

Job 16:19 ပူးပေါင်းရင်းမြစ်များ

Hidin Hopapna 31:50

Ya alina'eh paligatom tudan i'imbabale' ya nangahawa'ah udum an ta'on on adi' innilaon ya nomnomnomom an hi Apu Dios di manmannigon he''a.

Job 16:18

Ot hanat adi matabbunan nan immayuh an dala' hitun luta ta hidiyey mangipa'innilah tun na'at i ha"on.

Job 19:25

Innila' ot matagu nan mangihwang i ha"on ya udum hi algo ya ita'doga' i hiya.

Job 25:2

Hi Apu Dios ya ongal di abalinana ta hiya nan mahapul an hiyay takutan ya unudon. Te ta'on on hi ad abunyan ya hiyay ap'apu ta hiya nan nanongnan waday linggop hidi.

Job 31:2

Mu nganne nin di idat Apu Dios hi gun'udo' an mangat hi athitu? Ma''id ha innila' hi maphod hi idat nan ongal di abalinanan Dios i ha"on.

Psalm 113:5

Ot hiya an na'abbaktun patul an wah ad abunyan ya immannung an ma''id ha nipaddung i hiya.

Psalm 148:1

Madayaw hi Apu Dios. Ot an namin ayu an wah ad abunyan ya hanat dayawonyuh Apu Dios.

Psalm 89:37

ya umat hinan bulan an nanongna damdamah nan awadana.

Roma 1:9

Ot hi Apu Dios an ihamad'un punhilbiyan hinan e' pangipa'innilaan hinan inat Jesu Kristu an iphodan ta'u ya innilanan an namin di pundasala' ya idasdasalan da'yu.

Roma 9:1

Ha"on ya gapuh nan nangunuda' i Kristu ya immannung tun ibaga' i da'yu an adiya' munlayah. Ya innila' an ta'on on nan Espiritun Apu Dios ya innilanay wah nomnom'u

2 Kulintu 1:23

Manu'eh aggeya' ni' immalihna ya agge' pinhod an mahkitan ayu hi pangihingala' i da'yu. Hi Apu Dios di mangiyuhuh an immannung hituwen ibaga'.

2 Kulintu 11:31

Ot hi Apu Dios an hi Aman nan Ap'apu ta'un hi Jesus an madayaw hi inggana ya innilanan bokon layah tudan ibaga'.

Pilipay 1:8

Ya innilan Apu Dios an nunhigla ahan tayyay naminhod'un manigon da'yu an gapuh nan ongal an pamhod'un da'yu an umat hi naminhod Kristu i da'yu.

1 Tesalonika 2:10

Ot iyuhuh Apu Dios an nipto' di nangatmih din awadanmihna te hiyay inunudmi. Ya ta'on on da'yun kimmulug hina ya unnudanyu te tintinnigoyu ot ma''id attog ha inatmih lummuh pamihulanyun da'mi.

1 Tesalonika 2:5

Ot innilayun wa'et adi maphod di at'atonyu ya adimi alyon hi maphod te bokon da'yuy pinhodmin pa'amlongon te bokon hanadan magamgaman hitun lutay gapunah emi puntudtuduwan i da'yu. Ya innilan Apu Dios an immannung hituwe.

1 Samuel 12:5

Ya alyon Samuel di, Athina'e ya hi Apu Dios ya tun patul di muntistiguh nan alyonyu an ma"id ha bahul'u. Ot alyon nadan tatagu di, Immannung an hi Apu Dios di tistigu ta'u an ma"id ha bahulmu.