Job 13:5 - Nan Hapit Apu Dios

⁵ Udu'dulnaot eh'ay pamaag ya dimminong ayu te nan nanomnoman an tagu ya adina pamaag hi hapit hi'on waday adina ma'awatan.

Job 13:5 ပူးပေါင်းရင်းမြစ်များ

Job 11:3

Ya undan agam'eh hapit ya duminong amin humapit i he"a. Mu adi mabalin te mahapul an pahiwon da'ah nadan adi maphod an ibagam i Apu Dios.

Job 13:13

Duminong ayu'e ta ha"on di humapit. Ta ukoda' hi'on waday ma'at i ha''on.

Job 13:6

Ot duminong ayu'e tuwali ta donglonyu tun ibaga' te immannung an waday lili'.

Job 16:3

Ammunaot eh'a ta adi ayu humapihapit te ma"id ha hilbin danaen ibagabagayu.

Job 18:2

Daan mo ta duminong'a an humapihapit ta donglom pibo tun ibagami.

Job 19:2

Ngalngalam on adiyu idinong an humapihapit ya ten mammamaonyu tun holholtapo'.

Job 21:5

Te onha tuwali ot ta'on on ammuna nan panigoyun ha"on ya masda'aw ayu.

Job 32:1

Ot gapu ta athidin ihihikkad Job an mangali hi ma''id ha bahulna ya indinong mon nadan tulun ibbana an mambal hinadan ibagana.

Job 32:16

Ot adi gapu ta dindinnongan ayu mo ya iyopot'u ta dindinonga' damdama

Proberbs 17:28

Te ta'on on nan paddungnay ma"id ha nomnomnan tagu ya onha dindinnongan ot mabalin an alyonday nanomnoman.

Ecclesiastes 5:3

Te nan tagun pamaagnah hapit ya madduman hi layah di ibagana. Ya atbohdi nan tagun dakol di inomnomana an dakol di inopona.

Amos 5:13

Ot da'yun nanomnoman ya udu'dulnay namaag ya dindinnongan ayu.

James 1:19

Da'yun ibba' an kimmulug, hanat nomnomnomonyu ta mundadaan ayun mangngol hinan hapit Apu Dios. Ya nomnomonyu on ahi ayu humapit. Ya hanat adi hi kittang on bimmungot ayu