Job 12:6 - Nan Hapit Apu Dios

⁶ Ya hanada'en mumpangako ya nadan mangmangngat hi umipabungot i Apu Dios an hay abalinanday pumbalinondah diosda ya diday malinggop di nitaguwanda.

Job 12:6 ပူးပေါင်းရင်းမြစ်များ

Job 12:5

Mu gapu ta malinggopda ya pihulonda nadan maligligatan. Ta onha ningutbil nan ibbadah nan opang ot ituldundaot ta magah.

Job 12:7

Mu hi'on pinhodyun ma'awatan di a'at di nitaguwan ya nomnomnomonyu nadan animal ya nadan hamuti ot waday ma'adalyuh nan a'atda.

Job 15:13

Ya tanganu on hi Apu Dios di pangiboholam ta athinay pangalim i hiya?

Job 22:18

Mu ta'on on athidi ya impakadangyan Apu Dios dida. Ta hiya nan adi' ma'awatan di punnomnom dadiyen adi maphod di pangatda.

Job 24:23

Ta ta'on on alyon hi iyabulut Apu Dios an malinggop di nitaguwanda mu tigtiggona damdama nadan at'attonda.

Job 9:24

Ya an namin di ma'ma'at hitun luta ya niyukod hinadan adi maphod di pangatda. Ya hinandiyanay punnomnom ya panigon nadan mangihahapit ta mihallay pangipanuhdah nadan mihahapit. Ya onha bokon hiyay nangat i datuwe ot nganne moy udum.

Psalm 17:14

Ta ihwanga' i dadiyen adi maphod di pangatda. Te on han nomnomnomonda ya nadan magamgaman hitun luta. Ot hanat dusaom dida ta holholtaponda nan lebbengnan dusada. Ya hanat ta'on on hanadan imbabaleda ya apapuda ya mi'inhoholtapda.

Psalm 37:1

Hanat adi ayu minomnoman an gapuh nadan tatagu an adi ahan maphod di pangatda ya hanat adi ayu umamoh i dida.

Psalm 37:35

Wada han tinigo' an adi ahan maphod di pangatna an nunhiglay pamalpaligatnah ibbana mu kimmakaddangyan an umat hinan immongngal an ma'aggangan kayiw.

Psalm 73:3

te nalmuy amoh'uh nadan munlattuwag an tatagu. Te tigtiggo' ya dida otahan an adi maphod di pangatday kumadkadangyan.

Psalm 92:7

an hanadan adi maphod di pangatda ya umatdah nan holo' an mangintuttubu te diday kumakaddangyan mu hay umudi ya madadagdah inggana.

Jeremiah 12:1

Alyo' i Apu Dios di, An namin nadan inlili' i he"a Apu Dios ya nipto' di inatmu. Ot ad uwani ya pohdo' an innilaon nadan adi' ma'awatan. Te tanganu on nadan adi maphod di at'atonda ya diday kumadkadangyan ya pumpumhod di nitaguwanda?

Jeremiah 5:27

Ta mipaddung hinan pahhi'ing an napnuh nahulun hamuti di numpunhituwanyu te napnu hi inakoyu ya kinulukyu. Ta hiya nan kimmadangyan ayu ta ongal di abalinanyu.

Jeremiah 5:28

Ya mun'atataba ayu ya nun'abubutyug ayu. Mu iyal'alayun mangat hi adi ahan maphod. Te adi ayu bumoddang hinadan maligligatan ya nadan nun'apuhig.

Habakkuk 1:11

Ta ayda puwo' an dadagondan namin an ma"id ha takutanda an idinoldah nan bikahda ta ay hidiyey diosda.