Job 11:6 - Nan Hapit Apu Dios

⁶ Ya ipa'innilana nadan adi ma'awatan di tagun la'ingna ya abalinana. Ta donglom'e ya onha ot kulang danaen dusam hi'on itigonah nadan numbahulam.

Job 11:6 ပူးပေါင်းရင်းမြစ်များ

Ezra 9:13

Mu agge inun'unud handidan a'ammodmi nadan imbagam i dida ta na'at i dida nan imbagam an pundusam an gapuh nadan numbahulanda. Mu aggem nunhiglaon di inatmun nundusa ta wada ami tee han nabati.

Job 11:5

Onha mabalin ot pohdo' an humapit hi Apu Dios ta ibagana nadan adina pohdon i he''a.

Job 12:13

Mu ta'on on athidi ya ma"id ha nipaddungan di la'ing ya abalinan Apu Dios.

Job 15:11

Ma'uley panapit Apu Dios i he"a ot undan nganne boy ohah ibagam?

Job 15:5

Te hanan hapitom ya ipa'innilana nan adi maphod an a'atmu. Ya handiyam di numbahulam hinan panapitmu.

Job 15:8

Ya undan wada'a an ni'idngol hinan ninomnom Apu Dios an aton? Ya undan inohhaam di la'ing.

Job 22:5

Manu'eh na'at hinaen he"a ya gapuh nadan dakol an numbahulam.

Job 28:28

Ot alyonah nadan tatagu di, Hay immannung an nala'ing onu nanomnoman an tagu ya nan waday takutnan adi umunud i ha''on an Dios ta idinongnan mangat hi adi maphod.

Job 33:12

Mu ni'ibbahho danaen inalim te hi Apu Dios ya na'abbaktu mu hay tagu.

Job 9:4

Te hi Apu Dios ya na'ala"ing ya ongal di abalinana. Ta ma''id ha taguh abalinanan mi'hangga i hiya.

Psalm 103:10

Ya manu te dusaon dita'uh nadan pumbahulan ta'u mu hay immannung ya ta'on on ongal di bahul ta'u ya adina punhiglaon nan pundusana i dita'u.

Psalm 25:14

Ya diday ibilangnah gagayyumna ya ipa'annungna nan imbaganan atonan dida.

Lamentation 3:22

Te ma"id ha pogpog di ulena ya adi maluman nan munnananong an pamhodna

Daniel 2:28

Mu hi Apu Dios hi ad abunyan ya mabalin an ipa'innilana nan naligat an ma'innilaan. Ot hay impa'innilana i he"a ya nadan ahi ma'at hi udum hi algo. Te datuwe nan tinigom hinan ininopmu.

Daniel 2:47

Ot alyonan Daniel di, Immannung an nan Dios an un'unudom ya hiyay na'abbaktu hi an namin an dios di tatagu. Ya hiyay ap'apun di apatupatul. Ya ipa'innilana nadan naligat an ma'awatan di tagu te impa'innilanan he"a nan ibalinan tun ininop'u.

Matthew 13:35

Ta danaey nipa'annungan din impitudo' Apu Dios hi ohah nadan propetah din nadne an inalinay, I'alig'un namin di panuddu' i dida. Ta hanadan agge ni' na'innila an mihipun hi nalmuwan tun luta ta ingganah ad uwani ya ipa'innila' mohpen dida.

Epesus 3:5

an agge nipa'innila i handidan a'ammod ta'u. Mu ten ad uwani ya impa'innilan nan Espirituna hinadan pinto'nan apostolesna ya nadan mangipa'innilah nan pohdon Apu Dios.

Deuteronomy 29:29

Ot alyon bon Moses di, Ta'on on waday agge impa'innilan nan Dios an dayawon ta'u i dita'u mu nadan impa'innilana ya mahapul an un'unudon ta'u ya nadan tanudan ta'uh inggana.