Job 11:12 - Nan Hapit Apu Dios

¹² Nan inlum di atap an dongki ya agge naligat hi ayumon mu hay naligat ya hay e puntudduwan hinan paddungnay ma''id ha nomnomnan tagu.

Job 11:12 ပူးပေါင်းရင်းမြစ်များ

Job 15:14

Undan waha taguh imbilang Apu Dios hi maphod?

Job 28:28

Ot alyonah nadan tatagu di, Hay immannung an nala'ing onu nanomnoman an tagu ya nan waday takutnan adi umunud i ha''on an Dios ta idinongnan mangat hi adi maphod.

Job 5:13

Ta pumbalinonah ma"id ha hilbin nadan adi maphod an ninomnomdan aton ta hidiyey paddungnay pumbituna i dida.

Job 6:5

Undan munlili nan atap an animal hi'on dakol di holo' hi anona onu e mungkongaw nan baka hi'on waday anona.

Psalm 144:4

Ya na'omtang ya abuh han pi'taguwanmi an umat amih nan a''o onu dibdib an hin'omtang ya nama"id.

Psalm 39:11

Ihingalmu ya titilgom nadan numbahul. Ya dadagom dida an umat hi aton di pappap hinan mapmaphod an lubung. Ta hay pi'taguwan di tagu ya on hin'omtang ya abuh an ay dibdib an nala"uh.

Psalm 39:5

Innila' Apu Dios an ho'dod han inyabulutmun pi'taguwa' hitun luta. Ta hin'omtang ya abuh han pi'taguwanmi an umat i ha dibdib an nala''uh.

Psalm 51:5

Te immannung an nihipun tuwalih din niyayyama' ya hiyah diyen adi maphod di a'at'u an ta'on on hidin awada' hi putun ina.

Psalm 73:22

an umata' hinan animal an ma"id ha nomnomna te adi' ma'awatan di a'atmu Apu Dios.

Psalm 92:6

Ot hanan tagun paddungnay ma''id ha nomnomna ya adina ma'awatan

Ecclesiastes 1:2

An namin di ma'ma'at hitun luta ya umipa'engle te hiyahiyah diye.

Ecclesiastes 11:10

Ta hiya nan tigonyu ta adi ayu minonomnoman ya hanadan maphod di atonyu ya ipapto'yuy adolyu. Te adi ayu umunga'ungah inggana.

Ecclesiastes 3:18

Mu ninomnom'u bon manu'eh iyabulut Apu Dios di punligatan ya ta mipatigo an ma"id ha numpahhiwan ta'uh nadan animal.

Jeremiah 2:24

Ya umat ayu boh nan atap an dongki an wa'et mummaya ya hiyay e manama' hi bulug. Ta adida maligatan nadan bulug an mamdug i hiya.

Roma 1:22

Ta ta'on on alyonday nanomnomanda mu hay immannung ya ma"id ha in'innilada.

Roma 12:16

Ya maphod on hay nomnomnomon ta'u ya nan e ta'u pun'u'unnudan. Ta adi ta'u mumbaktu mu aton ta'uy abalinan ta'un mi'hayyup hinadan nada"ul an tatagu. Ya hanat adi ta'u ibilang di adol ta'uh nanomnoman ya na'nginnilah an namin.

Epesus 2:3

Ya ta'on on da'mi ya athinay a'atmih din hopapna. Te handi ni' ya an namin ta'u ya nan madadawoh i dita'u onu nan pinhod di adol ta'uy in'innat ta'u an ta'on on adi maphod. Ta ma''id ha nipahhiwan ta'u hinadan udum an tatagu an ahi dusaon Apu Dios.

James 2:20

Ya hanadan paddungnay ma"id ha nomnomda ya gahin on waha tigonda ta panginnilaanda an hanan pangulug an ma"id ha atiganah nan pangat ya ma"id ha hilbina.