Job 10:9 - Nan Hapit Apu Dios

⁹ Ya nomnomom an pito' di iniphodmuh tun adol'u. Ya undan pabangngadona' ot boh nan pito' an nalpuwa'?

Job 10:9 ပူးပေါင်းရင်းမြစ်များ

Hidin Hopapna 2:7

Ya indani ot alan Apu Dios nan pito' ot poklona i han adol di tagu ot hapudanay olong diyen limmuna ya numbalin hi tagu.

Hidin Hopapna 3:19

Ta gahin on'a lumingngotan an manamutamuh tun luta ya ahi waha bungan di itanommuh anonyu ta inggana hi mumbangngad'ah tun luta an nalpuwam. Te pito' di na'alaam ta hiya nan pito' bo damdamay pumbangngadam.

Job 10:10

Ya he"ay nunlumu i ha"on ot pa'ongngalona' hi putun ina.

Job 17:14

Ta ma"idda mo nadan pamilya' an ammuna nadan bigih hi nunli'mut hi adol'u.

Job 33:6

Te numpapaddung ta'uh hinangngab Apu Dios an nalpu ta'uh pito'.

Job 34:15

ot mate ta'un namin ta mumbangngad ta'uh nan lutan nalpuwan ta'u.

Job 4:19

Ot namama mo ahan hi tagu an nalpuh pito' an umatdah kulkulappen nalakan puditon di tagu.

Job 7:21

Onha waday numbahula' ot undan adi mabalin hi pakawanona' te agagga mo tee ya mateya' ot ta'on moh on eya' hama'on ya ona' dan bo wada.

Job 7:7

Alyon Job i Apu Dios di, Hanat adim linglingon an hay nitaguwa' ya umat hi yahyah. Ta ma"id ha amlong'u te nagayyuh di nitaguwa'.

Psalm 103:14

Te innilanay a'at ta'u an on ta'u nalpuh pito'.

Psalm 104:29

Ta nunhiglay takutda hi'on iwalongmu dida. Te innilada an mateda hi'on pogpogom di yahyahda ta mumbangngaddah pito' an nalpuwanda.

Psalm 106:4

Ot adiya' bahan linglingon Apu Dios hitun pamoddangam hinadan tatagum an nibalud ta ta'on on ha''on ya ihwanga'.

Psalm 22:15

Ta ma"id mo nimpe ha bikah'u an umata' hinan pito' an bangan nahilhilit. Ya namaganan di tangngotangngo' an nipuyut di dila' hidi. Te paddungnay impulanga' hinan luta ta mateya'.

Psalm 25:18

Ot uhdungana' bahan nimpe ta tigom tudan punligata' ya pakawanona' bahan hinadan numbahula'.

Psalm 78:39

Te innilanan taguda ya abuh an umatdah nan tuyup an nala''uh'e ya ma"id mo.

Psalm 89:47

Hanat nomnomom an ho'dod han pi'taguwa'. Ya undan nganney nunlumuwam i da'min tatagu?

Psalm 90:3

Ot hi'on he"ay mangalih mate ami ta mibangngad amih nan lutan nalpuwanmi ot ma"id ha bahhonan ma'at.

Ecclesiastes 12:7

Ta mibangngad nan adolyuh nan lutan nalpuwana ya imbangngad nan linnawayu i Apu Dios an nalpuwana.

Isaiah 45:9

Ot alyon Apu Dios i da'min tinanud Israel di, Mahmo' nan tagu an mamihul hinan nunlumu i hiya. Te undan mabalin ta nan pito' an banga ya alyonah nan mangapya i hiyay, Idinongmun diyot an mangapya i ha''on te nihallay pangatmu.

Isaiah 64:7

Mu ta'on on athidi ya ma"id i da'mi ha numpaboddang i he''a. Ta hiya nan immadawwi'a i da'mi ta nadadag ami an gapu nimpeh nadan numbahulanmi.

Isaiah 64:8

Mu he''a damdama Apu Dios di hi amami. Ta umat amih nan pito' an miphod hi banga ya he''a nan paddungnay mangapyah banga. Te he"ay nunlumu i da'min namin.

Jeremiah 18:6

Ha"on an Dios ya waday abalina' an mangat i da'yu hinan pinhod'u an umat hinan aton nan mangapyah banga. Te nan pito' an ma'apyah banga ya ukod nan mangiyamma hinan pohdonan pangiyammaan ot atbohdi i ha"on an ukoda' hinan pinhod'un aton i da'yun tinanud Israel.

Roma 9:21

Te nan mun'apyah pito' an banga ya ukod i hiyah nan pohdonan aton. Ta onha duway ninomnomnah apyonah banga ta nabalbalol di oha ya nalakay nginan di oha ot ukod i hiya.

2 Kulintu 4:7

Ot da'min muntudtudu ya umat amih nan pito' an banga an ammuna nan nittu i da'mi hi na'ballol. Ta hiya nan ma''id ha atonmin mangalih da'miy nalpuwan nan abalinanmi te on hi Apu Dios an ma''id ha nihippatan di abalinanay nalpuwana.