20 Tuwe mahan mo teen mapogpog tun ho'dod an nitaguwa' ot daan mo bahan ta idinongmun mamalpaligat i ha"on ta luminggopa' i ha ta'on on ha na'omtang ni'mo.
Ta innayuna' ot eh'an e inlubu' mu hanan eya' timmagu i ha athitu.
Ot hay dawato' ya daan mo bahan ta idinongmun mamalpaligat ya manattatakut i ha''on.
Hay tagu ya niyayyam an nakapuy. Ya ho'dod han itaguwana mu dakol di punligatana
Te hay tagu ya dakol di adina ma'awatan ya na'omtang ya abuh han pi'taguwanah tun luta an umat hinan a''o an nala''uh'e ya ma"id mo.
Ya ma"id bahan ha alyona hi manghanona nadan punligata' te onnot on pun'udmana ta nunhigla tayyan maligatana'.
Ot daan mo bahan ta bokon ha"on di totoklom ta mi'yam'amlonga' ni' ta ahiya' mate. Te undan nateya"e ya wadaa' bo.
Innila' Apu Dios an ho'dod han inyabulutmun pi'taguwa' hitun luta. Ta hin'omtang ya abuh han pi'taguwanmi an umat i ha dibdib an nala''uh.