Job 10:17 - Nan Hapit Apu Dios

¹⁷ Ya wadan waday tudduwom hi muntistigun numbahula' ta mamammamay bungotmun ha"on. Ta pangigadulam an mangipa'alih nadan punholholtapa'.

Job 10:17 ပူးပေါင်းရင်းမြစ်များ

Job 13:24

Ta adiya' bahan iwalong. Ya adiya' ibilang hi binuhulmu.

Job 16:8

Ya he"ay nangdat ituwen ligato' ta na'appiguta' mo tayya. Ta hiya nan alyon di tataguy hituwe anuy atiganan na'abahhulana'.

Job 7:1

Ot inayun Job an alyon di, Hay nitaguwan di taguh tun luta ya naligat an umat hi punligatan nadan e mi'bo'bo'la.

Psalm 55:19

Ot hi Apu Dios an na'abbaktun ap'apuh inggana ya nanongnan donglonay dasal'u ta hanadan binuhul'uy madadag te hiyah diye damdaman ma"id ha alyon hi muntutuyuda te ma"id tuwali ha takutdan Apu Dios.

Jeremiah 48:11

Ya alyon bon Apu Dios di, Nadan i Moab ya ma"id ni' ha na'at i dida an nihipun hidin hiyah kimmilogda. Ta hiya nan ninaynayun di pinumhodanda. Ta umatdah nan bayah an nunnanong hinan buhin nittuwana an agge nidniddalhin hi udum an dunug. Ta hiya nan maphod di tamtamna ya hunghungna.

Sepaniah 1:12

Te i diye ya paddungnay odna' ha dilag ta hinapo' an namin hi ad Jerusalem ta da'yun palinglinggoponan mangmangngat hinadan pohpohdona ya dusaon da'yu te alyonyuy, Ma''id ha aton Apu Dios i dita'uh maphod onu nalawa.

Ruth 1:21

Te handin nakaka' ituwen boble ya wadan namin di mangipa'am'amlong i ha''on. Mu ad uwani an imbangngada' i Apu Dios hitu ya namaag mo ahan ya ma''id ha mangipa'amlong i ha''on. Ot undan ngadanana' boh Naomi i ha athitu an namaag ya nunhiglaon nan ongal di abalinanan Dios di inatnan namalpaligat i ha''on.