Jeremiah 44:11 - Nan Hapit Apu Dios

¹¹ Ta hiya nan ha"on an ongal di abalinanan Dios an dayawonyun tinanud Israel ya alyo' di, Adi mibahho an dadagon da'yun namin an i Judah.

Jeremiah 44:11 ပူးပေါင်းရင်းမြစ်များ

Psalm 34:16

Mu hanada'en mangmangngat hi adi maphod ya nunhiglay bungotnan dida. Ta hiya nan nateda'e ya adi madne ya linglingon di tatagu dida.

Jeremiah 21:10

Te ha"on an Dios ya dadago' hi ad Jerusalem. Ta ipa'abak da'yuh nan patul hi ad Babilon ya pinu'ulanan namin hituwen boble ta mumbalin hi dapul.

Jeremiah 44:26

Mu nomnomnomonyu an ha"on an Dios ya hamado' teen ibaga i da'yu an i Judah an wahtun ad Egypt an adiyu mo uggan alyon di, Isapata' hinan wadawada an na'abbaktun Dios.

Ezekiel 15:7

te dusao' dida. Ta ta'on on nihwang di udum i dida hinadan namangulun dinusa' mu dusao' damdama dida ta madadagda. Ot athidiy ato' ta panginnilaanyun ha"on hi Apu Dios.

Lebitikus 17:10

Ya hi'on wada i da'yun tinanud Israel ya ta'on on nadan ni'iboblen da'yu ha mangihdah dala ya adi' mo ibilang hi tagu'.

Lebitikus 26:17

Ya iwalong da'yun ha"on ta abakon da'yuh nadan binuhulyu ta diday mun'ap'apu i da'yu. Ta gapuh takutyu ya pamaagyuh butik an ta'on on ma"id ha mamdug i da'yu.

Amos 9:4

Ya atbohdin ta'on hi iyen di binuhulda didah udum an boble ya ipapate' didahdi te nunnaud an adi' boddangan dida.