Jeremiah 15:17 - Nan Hapit Apu Dios

¹⁷ Ya aggeya' nidniddum hinadan pun'am'amlongan di tatagu. Ta ona' nun'oh'ohha an gapuh pangun'unuda' i he"a te nunhiglan umipabungot i ha"on nadan ato'atondan pumbahulan.

Jeremiah 15:17 ပူးပေါင်းရင်းမြစ်များ

Psalm 1:1

Mipa'amlong nan tagun adina unudon di itugun nadan tatagun nun'abahulan. Ya adi ma'ma'yat hinadan adi maphod an pangatda. Ya adi midmiddum hinadan mungngohen Apu Dios.

Psalm 102:7

Ya adi umaliy inlo''u ta umata' i ha hamuti an ohan e immapun hinan atop.

Jeremiah 1:10

Ot agam ta atom te mihipun hi ad uwanin algo ya idat'uy abalinam an humapit hi abobboble ya ta'on on nadan pun'ap'apuwan di apatupatul. Ta ipa'innilam di adadagan nan pun'ap'apuwan di udum ta ayda naba'gut an nitanom. Ya nadan udum ya ipa'innilam di pumhodan nan pun'ap'apuwanda ta umatdah nan nitanom an nidallom di lumamutanda.

Jeremiah 13:17

Mu hiya'e tuwalih diyen adiyu donglon ya ma"id ha bahhonan kogaan da'yun ha"on. Te da'yun tatagun Apu Dios ya miye ayuh udum hi boble ta hidiy ibaludanyu an gapuh nan pumbaktuwanyu.

Jeremiah 16:8

Ya alyon bon Apu Dios i ha"on di, Hi'on waday a'am'amungan di tatagu ya adi'a umehdi ta adi'a e mi'mi"an ya mi"in'innum i dida.

Jeremiah 6:11

Ta ta'on on ha"on ya nunhiglay bungot'u i dida an adiya' mo tayya pa"itpol. Ya alyon Apu Dios i ha"on di, Hiya nimpe nan ad uwani ya ipahda' di bungot'u hinadan tatagu. Ta miyedah udum hi boble nadan u"unga an mun'ay'ayyam hinan kalata ya nadan ma'amu"amung an mumpangilog ya an namin nadan himbabbale ya ta'on on nadan a'amamma ya i'ininna.

Lamentation 3:28

Ta wa'e ha ligat ya namaag ya dindinnongan ta'u ya inyukod ta'un Apu Dios.

Daniel 7:28

Ta hiyah tuwey pogpog nan ininop'u. Ta ha"on an hi Daniel ya nunnaud an minomnomana' ya amta' an immuphata'. Mu namaaggot adi' ibagbaga datuwe hinadan udum.

Sekariah 1:12

Ot alyon nan anghel di, He"a Apu Dios an ongal di abalinana ya anuud moy pammo'am hinadan i Jerusalem ya an namin hi ad Judah ya ten ume mo tayyah napituy (70) tawon hi nangipatigam hi bungotmun dida?

2 Kulintu 6:17

Ta hiyah naey pangalyan nan Ap'apu ta'uy, Mahapul an umaan ayuh awadan nadan agge kimmulug ta mihiwwe ayu i dida ta adiyu goton an mangat hi adi maphod ta way ato' an mangabulut i da'yu.