Jeremiah 10:24 - Nan Hapit Apu Dios

²⁴ Ot hanat tugunon da'mi Apu Dios mu ta adim ahan punhiglaon di bungotmu i da'mi te atom'ehdi ya umannung an mate amin namin.

Jeremiah 10:24 ပူးပေါင်းရင်းမြစ်များ

Job 6:18

Ta wadaday mungkumilhu an mangihingngin e manama' hi liting mu lo'tat ya matedah nan agge naboblayan on ma"id ha uminumanda.

Psalm 38:1

Daan mo bahan Apu Dios ta adiya' ihingal ya adiya' dusaon hinan bumungotam.

Psalm 6:1

Daan mo bahan Apu Dios ta adiya' ihingal ya adiya' dusaon hinan bumungotam.

Psalm 6:2

Ta ona' ot on hom'on te kimmapuya' tayya ya hanakitanay adol'u.

Isaiah 28:28

Ya athidi boh nan ma'apit an wit an innilanay atonan mun'ilik ta adi magudu. Ta mabalin an nan pilid di kaliton an iguyud di kabayu di pun'ilikna ta adi magudu nan bogahna.

Isaiah 40:23

Ya abalinana an pumbalinon di a'ap'apuh tun luta hi ma"id ha hilbida.

Jeremiah 30:11

Te wadaa' an mangihwang i da'yu. Ta dadago' nadan boblen nangiwakata' i da'yu. Mu adi da'yu nimpe dadagon i ha"on te on da'yu titilogon ya abuh. Te adi mabalin hi namaag ya adi ayu madusa.

Jeremiah 46:28

Ot da'yun tinanud Israel an baal'u ya adi ayu nimpe tumakut te wadaa' an mangipapto' i da'yu an ta'on on ayu niye hi udum an boble. Ya ta'on on dadago' nadan boble an nangiyaya' i da'yu mu ihwang da'yu i ha"on. Mu mahapul an titilgon da'yu ni' i ha"on ta atugunanyu. Ha"on an Dios di mangalin tuwe.

Habakkuk 3:2

He"a Apu Dios ya innila' di a'atmu. Ta wa'et nomnomnomo' ya nunnaud an masda'awa' hinadan inatmu. Ot hanat atom bo danae hi ad uwani ta ta'on hi nunhiglay bungotmu ya hom'on da'mi bahan.