Isaiah 6:12 - Nan Hapit Apu Dios

¹² Te ipa'e' nadan tatagu hi nun'idawwin boble ta taynanda tun ad Judah.

Isaiah 6:12 ပူးပေါင်းရင်းမြစ်များ

2 Patul 25:11

Ot baludona nadan nabatih ad Jerusalem ta iyenah ad Babilon an ta'on on nadan e ni'hayyup hinan patul hi ad Babilon.

2 Patul 25:21

Ot ipapaten nan patul datuwehdi hi ad Riblah an bobleh ad Hamat. Ta athidin impiyedah ad Babilon di dakol an i Judah ta nataynan di numboblayanda.

Isaiah 13:12

Ot hay a'atan tuwe ya oh'ohhada han mabati hinadan tatagu ta umatdah balitu' an naligat an hama'on.

Isaiah 26:15

He"a Apu Dios di nangipadakol i da'mi an tatagum ya impabillogmu tun numboblayanmi. Ot lebbengna an he"ay dayawonmi.

Isaiah 5:9

Te dingngol'u nan inalin nan ongal di abalinanan Dios an alyonay, Immannung an pumbalino' hi ma"id ha hilbina nadan mun'a'aphod ya o"ongal an babale te ma"id ha umohnong hidi.

Jeremiah 12:7

Alyon bon Apu Dios di, Nadan tinanud Israel ya diday pinto"uh tatagu' hi paddungnay odon'u. Mu ad uwani ya ingnganuy'u mo dida ta induul'u didah nadan binuhulda.

Jeremiah 15:4

Te nunhigla ahan an adi maphod nan ina'inat Manasseh an imbabalen Hesekiah hi ad Jerusalem hidin numpatulanah ad Judah. Ta nadan tataguh abobboble ya nunhiglay pamihuldan da'yu an gapuh nan nunhiglan pundusa' i da'yu.

Jeremiah 4:29

Ta wa'et donglonyuy gangoh di numpungkabayun titindalu ya tigonyu nadan numpangdon hi pana an tindalun mi'gubat ya way ohaon bumtik. Ta e ayu mun'ipa"eh nadan lingab ya doplah nan nabillid ya muyung. Ta ma"id ha mabati hi tagu hitun bobleyu.

Jeremiah 52:27

Ot ipapaten nan patul datuwehdi hi ad Riblah an bobleh ad Hamat. Mu nadan udum an i Judah ya impiyedah ad Babilon ta tinaynanday numboblayanda.

Lamentation 5:20

Mu tanganu on nadney nangiwalongam i da'mi? Ot undan adi da'mi mo nomnomnomon?

Sepaniah 1:3

Ta madadagdan namin di tatagu ya animal ya hamuti ya nadan wadah nan baybay. Ta wan madadagdan namin nadan adi miyunnudan hinan pohdo' di pangatda. Ha"on an Dios di mangalin tuwe.

Roma 11:15

Te hay aggeda nangabulutan i Jesu Kristu di gapunah pi'hayyupan di udum an tataguh tun luta i Apu Dios. Ot namaman maphod di ma'at hi'on kumulug nadan Judyu te paddungnay mamahuwandah ate.

Deuteronomy 28:64

Ta iwakat da'yun Apu Dios hi abobbobleh tun luta. Ta e ayu mundayaw hinadan dios an dayawondan kayiw ya batuy niyamma an aggeyu in'innila ya ta'on on handidan a'ammodyu ya aggeda innila dadiyen dios.