Isaiah 44:4 - Nan Hapit Apu Dios

⁴ Ta maphod di pi'taguwanda an umatdah nan holo' ya kayiw hinan da'ging di wa"el.

Isaiah 44:4 ပူးပေါင်းရင်းမြစ်များ

Job 40:22

Ta hay tubun dadiyey uggan manidum ya mili'woh i hiya.

Job 5:25

Ya mahlag ayu ta hay dinakol di holagmu ya umat hi dinakol di holo' hitun luta.

Psalm 1:3

Ot hanan tagun athidiy pangatna ya mawagahan an namin di atona. Te mipaddung hinan kayiw an himmangoh hinan da'ging di wangwang an adi madpal ta adi mibahhoy ena bumungaan.

Isaiah 48:19

Ya waninnot an dimmakkodakkol ayun himpamoble ta umat ayuh dinakol di panag. Ya waninnot an inihwang da'yu ta agge nadadag di bobleyu.

Isaiah 58:11

Ya ha"on an Dios di nanongna an mangitudtuduh atonyu. Ta ipapto' da'yu ya idat'u nadan mahapulyu an ta'on on wa ayuh nan na'appudut an boble. Ta pabikahon da'yu ta umat ayuh nan natanoman an madanudanuman ya umat ayu boh nan obob an adi matdu'.

Isaiah 61:11

Te hi Apu Dios an na'abbaktu ya boddangana nadan tataguna ta tigon nadan tataguh abobboble nadan nipto' an pangatda ta ta'on moh on dida ya dayawondah Apu Dios.

Ezekiel 17:5

Ot mangala boh ohok hi bobleyu ot ena ihok hinan malumong an luta an nihaggon hi dakol an liting.

Lebitikus 23:40

Ya hinan hopap di algo ya eyu inala dohah nan maphod an bungan nadan intanomyun bungbunga"an ya nangala ayuh tubun di palma ya hapang nan ma'attubun kayiw ya nadan kakaykayyiw an himmangoh nan pingngit di wa"el. Ta gapuh amlongyu ya dayawona' hi pituy algo.

Apostoles 4:4

Mu dakolda damdamay kimmulug an gapuh nangngolanda i dadiyen intudtudun da Peter. Ot middumdah nadan kimmulug tuwali i Jesus. Ta hay bilang di linala'in namin an kimmulug i Jesus ya umeh limay libu (5,000).

Apostoles 5:14

Mu ta'on on athidi ya dakol damdamay binabai ya linala'i an kumulug an mun'iddum i dida.